web counter
LEXO PA REKLAMA!

SHKARKO APP

App Store
Google Play

DASH përshëndet rezultatin e referendumit në Maqedoni/ Thirrje për liderët politikë

1 Tetor 2018, 08:59, Aktualitet CNA

Departamenti Amerikan i Shtetit ka përshëndetur rezultatin e referendumit të djeshëm në Maqedoni.

Në reagimin e DASH thuhet, se qytetarët shprehën qartazi mbështetjen e tyre për integrimin në NATO dhe BE.

DASH ndër të tjera shkruan se mbështet implementimin e plotë të marrëveshjes,  e cila do ti hapte rrugë integrimit të Maqedonisë në strukturat euro-atlantike.

Më tej DASH u ka bërë thirrje  udhëheqësve, që të ngrihen përtej rivalitetit politik, për të mos humbur këtë mundësi historike, e cila do ti sille një të ardhme të ndritur vendit.

“Shtetet e Bashkuar përshëndesin rezultatin e referendumit të 30 shtatorit në Republikën e Maqedonisë, ku qytetarët shprehën dëshirën e tyre për tu bërë pjesë e NATO-s dhe BE-së, duke pranuar marrëveshjen e Prespës, midis Maqedonisë dhe Greqisë. Shtetet e Bashkuara mëbështesin fuqishëm implementimin e plotë të marrëveshjes, e cila do ti hapte rrugë Maqedonisë, për tu bërë pjesë e NATO-s dhe BE-së, duke kontribuar në qëndrueshmërinë, sigurinë dhe zhvillimin e rajonit. Tashmë që parlamenti do të fillojë procedurat për ndryshimet kushtetuese, u bëjmë thirrje liderëve, që të ngrihen përtej rivalitetit politik, për të mos humbur këtë mundësi historike, që do ti sillte vendit një të ardhme të ndritur në institucionet perëndimore”, thuhet në reagimin e DASH. /CNA.al





Lajmet e fundit nga