web counter
LEXO PA REKLAMA!

SHKARKO APP

App Store
Google Play

Vizita në Luginën e Preshevës/ Thaçi tregon pse nuk mund të shkojë

10 Shtator 2018, 16:56, Aktualitet CNA

Presidenti kosovar, Hashim Thaçi, ka reaguar pas kërkesës së zyrtarëve të Luginës së Preshevës, për të zhvilluar një vizitë në komunat shqiptare në Serbi.

Thaçi gjatë një takimi me përfaqësuesit e komunave Preshevë, Bujanovc e Medvegj në Prishtinë, është shprehur se nuk mund të futet në territorin serb, pasi ndaj tij ekziston një dënim, shkruan Radio Evropa e Lirë.

?Jam i dënuar në mungesë nga Serbia. Atë dënim Serbia nuk ma ka falur kurrë dhe as unë nuk e kam kërkuar atë falje. Unë nuk mund t?ia mësyj kufirit dhe të ballafaqohem fizikisht me policinë e Serbisë?, tha Thaçi.

Ndër të tjera, presidenti kosovar ka shtuar se nuk e ka bërë kurrë një kërkesë të tillë, pasi e merr me mend përgjigjen, ndërsa shton se do të punojë ngushtë me përfaqësuesit e Preshevës, Medvegjës dhe Bujanovcit.

?Aktualisht, rrethanat janë të atilla që Beogradi nuk e sheh të dobishme e as të arsyeshme prezencën time atje. Nuk e kam bërë kurrë kërkesën, por e imagjinoj sjelljen e tyre?, tha ai. Por, pavarësisht nëse e vizitoj apo jo, unë do të punoj ngushtë me përfaqësuesit e Preshevës, Medvegjës e Bujanocit. Banorët e atjeshëm janë banorët më të diskriminuar në Evropë. Kosova nuk është vetëm Hashim Thaçi dhe ata që nuk mund të shkojnë në Serbi, sepse ishin bartës të luftës çlirimtare. Por, mendoj se ata që mund ta vizitojnë, mund ta bëjnë këtë pa pasur asnjë pasojë”, tha presidenti i Kosovës.

Ndërkohë kryetari i Komunës së Preshevës, Shqipërim Arifi, ka kërkuar nga Thaçi, që të tentojë të paraqesë një kërkesë tek autoritetet serbe, pasi populli i Luginës ka nevojë për përkrahje. /CNA.al





Lajmet e fundit nga