web counter
LEXO PA REKLAMA!

SHKARKO APP

App Store
Google Play

E fundit!

x

Me çfarë e kërcënon Xhafaj, kryeministrin Rama?

10 Shtator 2018, 11:59, Aktualitet CNA

Disa kohë më parë, Partia Demokratike ndërmori një fushatë të njëpasnjëshme denoncimesh në drejtim të ministrit të Brendshëm Fatmir Xhafaj, në lidhje me vëllain e tij, i cili ishte dënuar në Itali për trafik ndërkombëtar droge.

PD publikoi prova, që tregonin se Agron Xhafaj, vëllai i ministrit Xhafaj, ishte dënuar me vendim të formës së prerë gjyqësore për trafikim të lëndëve narkotike.

Në një vend europian dhe demokratik, kjo do të mjaftonte që ministri të jepte dorëheqjen, për arsye morale, por një gjë e tillë nuk ndodhi me ministrin Xhafaj.

Përkundrazi, ka qenë vetë kryeministri Edi Rama, i cili ka bërë avokatin e Xhafajt, madje dhe një avokat nuk do të kishte bërë më shumë se çfarë bëri Rama gjatë një seance parlamentare.

?Në gjashtë vite që socialistët janë në pushtet, nuk ka asnjë kërkesë qoftë formale apo informale nga autoritetet italiane për Agron Xhafajn, vëllain e Fatmir Xhafajt. Nëse nuk ka asnjë kërkesë, nëse nuk ka asnjë përgjegjësi të lidhur me Qeverinë apo personalisht me ministrin e Brendshëm, dhe nëse bëhet fjalë në fund të ditës, për vëllanë, dhe jo për të, në një sistem në të cilin secili përgjigjet individualisht përpara drejtësisë, përse del sot??, është shprehur Rama.

Ndërkohë, vetëm pak ditë më parë ndaj ministrit Xhafaj plasën të tjera akuza. Deputeti socialist i zonës së Kurbinit, Gjetan Gjetani, nëpërmjet një postimi në rrjetet sociale, reagoi në lidhje me situatën kriminale në zonën e tij.

Në postimin e tij, ai hodhi akuza të forta ndaj drejtuesve të policisë, duke i cilësuar si të paaftë, të korruptuar dhe ordinerë. Ai tha se do të kërkonte interpelancë me ministrin Xhafaj, ndërsa paralajmëroi edhe protesta.

Por, vetëm një ditë më pas ka reaguar kreu i qeverisë, Edi Rama, i cili ndëshkoi deputetin Gjetani, duke kërkuar live përjashtimin e tij nga grupi parlamentar i PS.

Kryeministri Rama akuzoi deputetin Gjetani se kërkonte të kishte ekskluzivitet në emërimin e shefave të policisë në Kurbin, dhe sipas tij vetëm kishte bërë shantazhe e deklarata të paqena kundër policisë në Kurbin.

?Një deputet që nuk ka bërë punë tjetër veçse ka shantazhuar dhe kërkon ekskluzivitet të vërë shefa policie në Kurbin, bën deklaratë pocaqi kundër policisë në Kurbin ai nuk mund të jetë deputet i PS-së?,- ka thënë ndër të tjera Rama.

Rama sërish bëri ?avokatin? e ministrit Xhafaj, madje duke përjashtuar një deputet socialist.

Natyrshëm pas kësaj lind pyetja, se me çfarë e kërcënon kreun e qeverisë, ministri Xhafaj dhe deri kur do të vazhdojë ta mbrojë Rama? Mos ndoshta Xhafaj ka ndonjë ?as? nën mëngë që e terrorizon Ramën, madje e detyron Ramën të bëjë edhe avokatin e tij./ CNA.al





Lajmet e fundit nga