web counter
LEXO PA REKLAMA!

SHKARKO APP

App Store
Google Play

E fundit!

x

Ligji për Teatrin/ BE “shuplakë” Metës dhe Bashës

10 Shtator 2018, 10:33, Aktualitet CNA

Ligji për shembjen e Tetarit Kombëtar, për të cilin u tha nga ana e opozitës se shkelte marrëveshjen e Atabilizim-Asociimit, ka sjellë reagimin e Bashkimit Europian.

Nëpërmjet një letre dërguar qeverisë shqiptare, shefja e Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit, Michela Matuella shkruan se ky ligj i qeverisë nuk shkel marrëveshjen e Stabilizim-Asociimit, por i sugjeron qeverisë që të ftojë edhe aktorë të tjerë të interesuar në garë.

?Artikulli 74(3) i MSA-së i referohet dhënies së aksesit të barabartë kompanive private që duan të lidhin kontrata, duke u bazuar në Ligjin Shqiptar mbi Prokurimet Publike dhe jo mbi acquis-të e Bashkimit Europian. Ndonëse, në këtë pikë nuk vërejmë asnjë shkelje të MSA-së, Komisioni Europian mirëpret vullnetin e autoriteteve Shqiptare për ta amenduar Ligjin Special, me qëllim hapjen e garës për projektin e Teatrit Kombëtar, në mënyrë që çdo kompani private të mund të aplikojë një propozim për projektin?, thuhet ndër të tjera në letrën e Komisionit Europian.

Nëpërmjet kësaj letre, BE hedh poshtë pretendimet e opozitës me në krye Bashën, duke i hapur rrugë rishqyrtimit në Parlament të ligjit për shembjen e Teatrit Kombëtar dhe ndërtimin e një tjetër godine, i cili nuk u dekretua nga presidenti Ilir Meta me të njëjtat pretendime. /CNA.al

 





Lajmet e fundit nga