E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shpikësi i Antivirus-it mban gjithnjë pistoletë me vete, edhe kur bën seks, për këto arsye

28 Gusht 2018, 13:25, Lifestyle CNA

Shpikësi i Antivirus-it dhe programuesi i kompjuterave John McAfee shkroi në Twitter se e mban pistoletën me vete 24 orë në 7 ditë të javës; edhe kur fle, edhe kur bën dush, madje-madje edhe gjatë seksit.

Ai tregon gjithashtu se kjo gjë mund të quhet pa frikë si një lloj ?manie? seksuale, të cilën shumë gra e pëlqejnë. Për fat të mirë nuk ka ndodhur ndonjë incident, të paktën jo i paqëllimshëm, pasi ai e ka përdorur atë kundër disa njerëzve për të cilët pretendon se e kanë sulmuar.

Jo më kot thamë më sipër se arsyet pse John McAfee mban pistoletë 24/7 nuk janë dhe aq të çuditshme, duke iu referuar jetës dhe bëmave të mëparshme. Për ju që nuk keni ndonjë informacion më tepër, mund të vazhdoni të lexoni në vijim.

Britaniku McAfee krijoi një reputacion shumë të lartë në sigurinë kibernetike pasi shpiku për herë të parë programin Anti-Virus në 1980-n në kompaninë McAfee Associates, aksionet e të cilës i shiti në vitin 1994 për t’i rimarrë në 2010-n.

Dy vite më pas ai u bë pjesë e listës së personazheve problematikë në dokumentet e policisë, pasi u akuzua për vrasjen e fqinjit të tij. Policia e shtetit të Belize-s në Amerikën Qëndrore dyshoi se ishte John McAfee ai që preu kokat e qenve të shtëpisë së viktimës. Ai u shpall i kërkuar ndërkombëtar pasi u arratis nga policia në Belize për të lundruar drejt Guatemalës me varkë, vend në të cilin u arrestua në 2012-n.

Megjithatë, fill pasi u deportua në SHBA, ai u la i lirë për mungesë provash dhe pak kohë më vonë kandidoi për president të Shteteve të Bashkuara si përfaqësues i Partisë Libertariane (parti e tretë në Amerikë, e pavarur).

Në qershor, McAfee postoi një tjetër foto të çuditshme ku shkruante se kishte kaluar në koma për 2 ditë pasi disa nga armiqtë u përpoqën ta helmonin. Ai vazhdoi më pas duke kërkuar falje për mungesën e tij dhe duke kërcënuar hakmarrje për këdo që qëndronte pas komplotit (të supozuar).

Ai beson dhe thotë shpesh se kombet e Amerikës Qëndrore e duan të vdekur, sepse zotëron dokumente dhe informacione sekrete të qeverisë së Belize-s, e cila nga ana tjetër ka hedhur poshtë akuzat duke deklaruar se pretendimet janë të pakumtimta dhe pasojë e një mendjeje të sëmurë.

Për shkak të krizës ekonomike të vitit 2009, John McAfee humbi shumicën e parave dhe në vitin 2016 u bë subjekt i një dokumentari mbi jetën e komplikuar, vrasjet dhe përdhunimet e dyshuara, të cilin e akuzoi më pas për mashtrim dhe intervista të rreme.

Në kohën që jetonte në Belize, u raportua se ai vuante nga paranoja dhe dilte shumë rrallë nga shtëpia.