E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Skandal me Komisionin e Vettingut/ Tre anëtarë të akuzuar për korrupsion, mashtrim e falsifikim

22 Gusht 2018, 19:11, Aktualitet CNA

Shtatori pritet të jetë tejet i nxehtë për gjyqtarët dhe prokurorët. Procesi i Vettingut pritet të startojë së shpejti, ku do të skanohen 108 prokurorë dhe gjyqtarë.

Kujtojmë se Komisioni i Pavarur i Kualifikimit nga muaji mars deri më 6 gusht 2018, ka kaluar në sitë 61 gjyqtarë dhe prokurorë, për ligjshmërinë e pasurive, aspektin profesional dhe pastërtinë e figurës.

27 prej tyre u konfirmuan në detyrë, 21 u shkarkuan, ndërsa për 13 subjekte u ndërpre Vettingu, pasi dhanë dorëheqje nga sistemi i drejtësisë.

I gjithë ky proces ka kaluar i veshur me hije të shumta dyshimi për korrupsion nga ana e Komisionit të Vettingut.

Për komisionerët ka pasur akuza të forta se janë përfshirë në korrupsion dhe për pasojë kanë dhënë vendime me dy standarte.

Në media është raportuar se pazari është fiksuar 500 mijë USD për shtyrjen e datës së Vetingut me 1 vit, me shpresën se procesi do të jetë ?flakë kashte? e do ndërpritet si çdo proces tjetër dhe 1 milion USD, për nxjerrjen nga lista e verifikimit.

Për të paktën tre nga komisionerët e Vettingut ka pasur akuza dhe në lidhje me pastërtinë e figurës së tyre si dhe anën profesionale.

Për komisioneren Valbona Sanxhaktari janë publikuar në media dokumente që vërtetojnë se mbi rëndojnë 7 akuza të ndryshme për korrupsion.

Dokumentet janë publikuar nga ish-kryeministri Sali Berisha.

Sipas dokumenteve Sanxhaktari është ndjekur penalisht për afera korruptive të denoncuara nga KLSH.

Një tjetër komisionere, ndaj të cilës janë hedhur akuza në publik është edhe Suela Zhegu.

Një denoncim i mbërritur pranë redaksisë së CNA.al, e akuzon Zhegun për mashtrim.

Bëhet fjalë për një akuzë që vjen nga familjarët e Zhegut dhe konkretisht nga kunata saj, përkatësisht nusja e vëllait, Anita Ademi.

Anëtarja e Komisionit të Vettingut akuzohet se ka përfituar pasurinë e vëllait të saj, pasi ai ka humbur jetën.

Edhe anëtari Lulzim Hamitaj mbart mbi supe një akuzë publike.

Partia Demokratike, para disa ditësh akuzoi publikisht, Komisionerin e Vettingut, Lulzim Hamitaj, se ka falsifikuar dokumentet e dorëzuara në Komision. Sipas PD, Lulzim Hamitaj, ka falsifikuar dokumentacionin kur ka aplikuar për t?u bërë pjesë e trupës së Vettingut.

Edhe për komisionerët e tjerë janë ngritur një sërë dyshimesh, por tre anëtarët e mësipërm janë më të lakuarit.

Është absurde të mendosh se këta komisionerë do të pastrojnë drejtësinë.

Në këtë amulli shit-blerjesh vendimesh, sigurisht që do të ketë edhe kurban. Shtatori pritet të zbardhë planin e këtij komisioni që ndryshe po quhet komisioni i korrupsionit./CNA.al