web counter
LEXO PA REKLAMA!

SHKARKO APP

App Store
Google Play

E fundit!

x

Historia e rrallë/ Fshati “i mallkuar” ku jetojnë vetëm 62 banorë

18 Gusht 2018, 16:25, Aktualitet CNA

Dikur ishte një qytet me mbi 10 mijë banorë, por sot ka vetëm 62.

Fshati spanjoll Trasmoz, i vendosur mbi një kodër pranë malit Moncayo në zonën e Aragonit, duket se është i lidhur prej shekujsh me një mallkim.

Gjithçka ka zënë fill në shekullin e 13-të, kur në këtë qytet të zhvilluar u përhap një thashethem se këtu kishte shtriga dhe magjistarë.

Një kishtar i lartë, abati Veruela, gjeti një mundësi për të ndëshkuar qytetin-rebel dhe vendosi shkishërimin e tij.

Puna shkoi deri te armët dhe qyteti u ngrit kundër manastirit. Mbreti i Spanjës i dha të drejtë qytetit, por kisha nuk e pranoi humbjen.

Në vitin 1511 papa Julius II hodhi një mallkim mbi Trasmoz, ndëshkimi më i madh i lëshuar nga kisha.

Sipas të drejtës kanonike, vetëm një papë mund të ndryshojë atë që ka proklamuar një papë tjetër, por asnjë papë nuk e ka hequr mallkimin mbi këtë fshat.

Vitet që pasuan nuk ishin të lehtë për Trasmoz.

Kalaja u dogj në 1520 dhe mbeti në rrënoja për shekuj me radhë.

Pasi çifutët u dëbuan nga Spanja në shekullin e 15-të, Trasmoz ra nga fuqia.

Popullsia nisi të largohej.

Nga rreth 10.000 banorë që ishin atëherë, sot është katandisur në një popullsi prej vetëm 62, vetëm gjysma e të cilave jetojnë këtu përgjithmonë.

Fshati sot nuk ka dyqane, asnjë shkollë dhe vetëm një bar. Shumë shtëpi janë në gjendje të keqe dhe rrugët janë kryesisht bosh. (AFP)





Lajmet e fundit nga