web counter
LEXO PA REKLAMA!

SHKARKO APP

App Store
Google Play

E fundit!

x

Kokëdhima: Shqiptarët nuk mund të shkëmbejnë dy troje shqiptare

8 Gusht 2018, 16:47, Aktualitet CNA

Përmes një postimi në rrjetet sociale, Kryetari i lëvizjes ?Zgjidhja? Koço Kokëdhima thekson se brenda Kosovës nuk ka asnjë centimetër tokë serbe, ndërsa shton se shqiptarët janë populli më tolerant në botë dhe kjo është një garanci për pakicat serbe.

Postimi i plotë:

Shqiptarët nuk mund të shkëmbejnë dy troje shqiptare

Takimi më i fundit mes presidentëve të Serbisë dhe të Kosovës, me ndërmjetësimin e përfaqësueses së lartë europiane për politikat e jashtme, Frederica Mogherini, u pasua me deklarata që hedhin idenë jo të re për ndarje të Kosovës dhe për shkëmbim territoresh me Serbinë.

Bëhet fjalë për një marrëveshje ?demarkacioni? që Kosova veriore, e cila sot është e populluar nga serbët të merret nga Serbia, ndërsa Lugina e Preshevës e populluar nga shqiptarët t?i jepet Kosovës.

Shqiptarët janë populli me tolerancën më shembullore etnike, fetare, racore dhe kulturore. Kjo është garanci për mbrojtjen e popullsisë së pakicave serbe në Kosovën demokratike dhe europiane.

Në të kaluarën e afërt trojet shqiptare janë copëtuar për të kënaqur lakmitë e pafundme të vendeve fqinje. Ndaj sot shtetet shqiptare janë ndoshta të vetmit në Europë që rrethohen në të gjithë kufijtë tokësorë nga troje dhe nga popullsi shqiptare të përfshira në shtetet e tjera.

Brenda Kosovës nuk ka tokë serbe. Përkundrazi, në vendet e tjera të Ballkanit ka mjaft troje e popullsi shqiptare të asimiluara ose jo. Kosova që festoi shkurtin e kaluar një dekadë pavarësi është një shtet tashmë i njohur nga mëse 110 shtete të botës. Në bazë të kushtetutës së saj, ajo është një dhe e pandashme.

ZGJIDHJA inkurajon bisedimet me Serbinë për të gjetur paqen dhe bashkëjetesën përmes një marrëveshjeje të qëndrueshme që nuk cenon integritetin territorial të Republikës së Kosovës.

#ZgjidhjaPërKombinShqiptar

 

 





Lajmet e fundit nga