LEXO PA REKLAMA!

SHKARKO APP

Vdekja e Ardit Gjoklajt/ Elizabeta Imeraj në krah të Erion Veliajt apo të drejtësisë?

2 Gusht 2018, 17:27, Aktualitet CNA

Prokuroria e Tiranës, që prej ditës së djeshme ka një drejtues të ri. Elizabeta Imeraj, nga prokurore për Krime të Rënda, është emëruar në krye të Prokurorisë së Tiranës.

Me emërimin e Imeraj në krye të prokurorisë më të madhe në vend, janë ngritur dhe një sërë pyetjesh?

A do të guxojë prokurorja Imeraj të hapë çështjen e  Ardit Gjoklajt dhe të vërë para drejtësisë kryebashkiakun e Tiranës Erion Veliaj?

Kujtojmë se ish-kryeprokurori i Tiranës Petrit Fusha, pas nje darke më Veliajn, dyshohet se e mbylli rastin tragjik të Ardit Gjoklajt.

Edhe pasardhësi i  tij, Dritan Rreshka, i cili u shkarkua së fundmi nga Komisioni i Vettingut, nuk bëri asnjë hap në lidhje me këtë rast, duke lënë kështu në fuqi skandalin e prodhuar nga paraardhësi i tij Petrit Fusha.

Tashmë sytë janë drejtuar nga drejtuesja e re Elizabeta Imeraj, nëse nuk do ta shohim në ndonjë drekë apo në  ndonjë takim me komponentë politikë bashkiak apo nga Qeveria.

Imeraj ka rastin të tregojë se është në krah të Erion Veliajt, është pro skandaleve të prodhuar nga paraardhësit e saj, apo është në krah të drejtësisë.

Skandali me dosjen e Ardit Gjoklajt

Prokuroria e Tiranës, në shkurt të vitit 2017, përfundoi hetimet  dhe dërgoi për gjykim dy persona të akuzuar se për shkak të shkeljes së rregullave në punë, kanë shkaktuar vdekjen e 17-vjeçarit Ardit Gjoklaj, i cili po punonte në landfillin e përpunimit të mbetjeve në Sharrë, ngjarje e ndodhur në datë 07.08.2016.

Në gjyq përfunduan vetëm Dëfrim Hakrama përgjegjës i firmës ?3R?  dhe fadromisti Edmond Kollari. Ata u akuzuan për shkeljen e rregullave në punë me pasojë vdekjen e adoleshentit.

Ndërkaq, drejtuesit e Bashkisë së Tiranës u lanë jashtë hetimeve. Dhe kjo u pa se nuk ishte aq e rastësishme, por u prodhua  nga takimi miqësor i ish-Kryeprokurorit të Tiranës Petrit Fusha dhe kryebashkiakut Erion Veliaj.

Në lidhje me këtë skandal, prokuroria në atë deklaroi se se hetimi për kompanitë dhe Bashkinë e Tiranës u veçua nga hetimi kryesor për vdekjen e Ardit Gjoklaj, për faktin se po përfundonin afatet e paraburgimit për dy personat e konsideruar përgjegjës për vdekjen e punëtorit, për të cilët përfundoi hetimi dhe u dërguan për gjykim.

Dhe gjithçka u mbyll me këtë deklaratë. Tashmë Prokuroria e Tiranës, ka një drejtuese të re, e cila mund të vërtetojë nëse është për drejtësi ose jo.

Lajmet e fundit nga