E fundit!

21:48 Aktualitet

Tubimi i 28-të kundër qeverisë/ Protestuesit nisin marshimin në rrugët e Tiranës

Protestuesit janë larguar nga Kryeministria dhe kanë nisur...

Trafikonte armë zjarri dhe municione/ Në pranga 32-vjeçari

28 Korrik 2018, 07:23, Aktualitet CNA

Policia e Elbasanit ka vënë në pranga një shtetas nën akuzën e trafikun e armëve të zjarrit dhe municioneve.

Policia ka bërë me dije se në pranga ka rënë shtetasi Ylber Suma, 32 vjeç, lindur në Shkup, Maqedoni dhe banues në fshatin Dimcë, komuna Hani i Elezit, Kosovë.

Bëhet e ditur se gjatë kontrollit të mjetit të tij janë gjetur dhe sekuestruar në cilësinë e provës materiale 2 armë zjarri tip pistoletë dy krehëra, dhe 5 fishekë.

Njoftimi i plotë i policisë:

Goditet aktiviteti kriminal në fushën e Trafikimit të armëve të zjarrit dhe municioneve luftarake.

Finalizohet operacioni policor i koduar ?URAKA 1?.

Sekuestrohen dy armë zjarri Pistoleta dhe fishekë.

Arrestohet në flagrancë poseduesi i tyre, 32 vjeçari nga Maqedonia me banim në Kosovë.

Në vijim të punës për parandalimin dhe goditjen e veprimtarisë kriminale, në bazë të informacioneve të marra në rrugë operative-ligjore nga ana e Specialistëve të Hetimit të Krimeve dhe Specialistët për Hetimin e Trafiqeve të Paligjshme dhe Narkotikeve, në Drejtorinë Vendore të Policisë Elbasan, pas një pune të mirëorganizuar është finalizuar operacioni policor i koduar ?URAKA 1?.

Si rezultat i operacionit, në vendin e quajtur fshatin Urake, qyteti i Prrenjasit është bërë i mundur arrestimi në flagrancë i shtetasit:

Pasi gjatë kontrollit te automjetit tip “Alfa Romeo” me targa SK3771AD, të cilin e drejtonte vetë , policia gjeti dhe sekuestroi në cilësinë e provës materiale:

2 armë zjarri tip pistoletë dy krehëra, dhe 5 fishekë.

Ky shtetas këto armë zjarri bashkë me municionet përkatëse, i kishte futur në mënyrë të kundraligjshme nga Maqedonia, me qëllim për ti shitur ato me pas në qytetin e Elbasanit, kundrejt vlerës 500 Euro copa (pistoleta).

Materialet i kaluan Prokurorisë Pranë Gjykatës së Krimeve të Rënda Tiranë, për veprën penale ?Trafikim i armëve të zjarrit dhe municioneve luftarake? të parashikuar nga neni 278/a i Kodit Penal /CNA.al