web counter
LEXO PA REKLAMA!

SHKARKO APP

E fundit!

x

Menduat se shirat u dhanë fund pushimeve? Moti do t’ju habisë përsëri sot

24 Korrik 2018, 12:27, Aktualitet CNA

Ndonëse u duk sikur ishim në ditët më të nxehta të kësaj vere, moti na surprizoi ditën e djeshme duke treguar edhe njëherë se sa i paparashikueshëm është.

Dita nisi me diell dhe me temperatura të larta, por në mesditë i gjithë vendi u përfshi nga stuhi dhe rrebeshe.

Madje disa prej qyteteve malore u përfshinë nga stuhi breshëri që mbuluan gjithçka.

Por nëse menduat se pushimet tuaja morën fund, moti habit sërish sot pasi pas shiut të djeshëm vijnë kthjellimet.

Pjesa e parë e ditës vijon me kthjellime e vranësira kalimtare në territor, më të shpeshta vranësirat në ekstremin verior dhe zonat lindore.

Pasditja fuqizon vranësirat në zonat malore duke sjellë shira afatshkurtër në lindje e juglindje, ndërsa gradualisht në mbrëmje, i gjithë vendi paraqitet me kthjellime dhe vranësira kalimtare.

Temperaturat e ajrit do të ulen lehtë në mëngjes dhe mesditë, duke luhatur ekstremumet termike nga 12-32 gradë Celcius.





Lajmet e fundit nga