E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

“Peshku i madh’ i Prokurorisë në kërkim/ Llalla me pasuri të sekuestruara, në arrati

23 Korrik 2018, 12:51, Aktualitet CNA

Gjykata e Shkallës së Parë për Krime të Rënda, ka njoftuar sot, se ka sekuestruar një sërë pasurish të ish-Kryeprokurorit Adriatik Llalla.

Ndërkohë që ndaj Llallës, drejtësia ka ndërmarrë këto masa, ai mësohet se po qëndron në Gjermani.

Pak kohë më parë në media është publikuar një foto të Llallës në një lokal në Bremen në shoqërinë e familjarëve të tij.

Në kohën që ish-kryeprokurori duhej të paraqitej para Komisionit të Vettingut, u tha se ai strehohej në Turqi.

Shkak u bë një letër e shkruar në turqisht, një prokurë drejtuar Kolegjit të Apelimit ku ai konfirmonte se përfaqësues i tij, do të ishte avokati Sokol Hazizaj.

Për drejtësinë shqiptare, ndonëse ende jozyrtarisht Llalla tashmë konsiderohet person në kërkim.

Ai po hetohet për ?Pastrimi i produkteve të veprës penale. Përdorimi dhe investimi në veprimtari ekonomike ose financiare të parave ose sendeve, që janë produkte të veprave penale, dënohen me burgim nga tre deri në dhjetë vjet dhe me gjobë nga 500 mijë lekë deri në 5 milionë lekë.

Ndërsa, me vendimin nr.179, datë 20.07.2018 të Gjykatës së Shkallës ë Parë për Krime të Rënda Tiranë, është vendosur pranimi i kërkesës së Prokurorisë, vendosja e masës së sigurimit pasurore ?sekuestro preventive? për pasuritë e paluajtshme.

Apartament banimi, me sipërfaqe 67.2 m², ndodhur në Durrës, tokë arë, me sipërfaqe 4.500 m², ndodhur në Tiranë, tokë arë, me sipërfaqe 12.300 m², ndodhur në Tiranë, tokë arë, me sipërfaqe 3000 m², ndodhur në Tiranë si dhe tokë arë, me sipërfaqe 2250 m², ndodhur në Tiranë.

Njoftim nga Prokuroria

Njoftim nga Prokuroria pranë Gjykatës së Shkallës së Parë për Krime të Rënda Tiranë

Prokuroria pranë Gjykatës së Shkallës së Parë për Krime të Rënda Tiranë, mbi bazën e akteve të ardhura për kompetencë lëndore nga Prokuroria pranë Gjykatës së Shkallës së Parë Durrës, ka rregjistruar proçedimin penal nr.65 viti 2018, në ngarkim të shtetasit Adriatik Llalla, ish-Prokuror i Përgjithshëm i Republikës së Shqipërisë.

Në kuadër të hetimeve paraprake të kryera lidhur me këtë proçedim penal, në bashkëpunim të ngushtë me policinë gjyqësore në Drejtorinë Hetimore Qëndrore, pranë Departamentit të Policisë Kriminale të Drejtorisë së Policisë së Shtetit Tiranë, janë kryer një sërë veprimesh hetimore.

Si rezultat i veprimeve hetimore të kryera, janë krijuar dyshime të arsyeshme se disa pasuri të paluajtshme në zotërim të shtetasit Adriatik Llalla përbëjnë produkt të veprës penale.

Me vendimin nr.179, datë 20.07.2018 të Gjykatës së Shkallës së Parë për Krime të Rënda Tiranë, është vendosur pranimi i kërkesës së Prokurorisë, vendosja e masës së sigurimit pasurore ?sekuestro preventive? për pasuritë e paluajtshme të mëposhtme:

Apartament banimi, me sipërfaqe 67.2 m², ndodhur në Durrës;

Tokë arë, me sipërfaqe 4.500 m², ndodhur në Tiranë;

Tokë arë, me sipërfaqe 12.300 m², ndodhur në Tiranë;

Tokë arë, me sipërfaqe 3000 m², ndodhur në Tiranë;

Tokë arë, me sipërfaqe 2250 m², ndodhur në Tiranë;

Policia Gjyqësore pranë Drejtorisë së Policisë së Shtetit Tiranë në datën 23.07.2018 ka ekzekutuar vendimin gjyqësor për sekuestrimin e pasurive të paluajtshme të mësipërme.

Vlera e tregut e pasurive të paluajtshme të mësipërme, në total është në shumën 98.772.000 lekë.

Vijojnë hetimet e mëtejshme lidhur me këtë proçedim penal në bashkëpunim me policinë gjyqësore të Drejtorisë së Policisë së Shtetit Tiranë./CNA.al