web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Komisioni i Vettingut i përfshirë në pazare korruptive?

21 Korrik 2018, 10:33, Aktualitet CNA

Çdo ditë tashmë është bërë normale që të shkarkohen gjyqtarë dhe prokurorë. Ky fakt nuk çudit më askënd, pasi situata dihej  edhe më herët, por ajo çudit është se edhe ata njerëz që u përzgjodhën për të larguar të korruptuarit e drejtësisë,  dyshohet janë përfshirë në pazare.

Dyshimet janë hedhur, në një kohë që merren vendime me dy standarte për gjyqtarë dhe prokurorë të caktuar.

Flitet se është një listë që u është dëguar komsionerëve të Vettingut nga partia në pushtet, për ta kaluar dhe një tjetër listë që s?kanë nevojë për partinë, se iu dalin paratë e korrupsionit që kanë për të blerë komisionerët e Vettingut, shkruan CNA.al

Çdo ditë në media raportohet për gjyqtarë dhe prokurorë të caktuar që favorizohen nga Komisioni i Vettingut apo për gjyqtarë dhe prokurorë që shkarkohen edhe pse problematikat e gjetura në dosjet e tyre kanë qenë të njëjta me ata që janë rikonfimuar në detyrë.

Gazetarët që ndjekin seancat dëgjimore pranë KPK ?së, kanë konstatuar dystandartizimin e përdorur nga ky komision.

Gazetarja Klodiana Lala, është shprehur pak ditë më parë se  se në procesin e rivlerësimit të gjyqtarëve dhe prokurorëve, ka pasur akuza dhe dyshime se KPK ka vepruar me dy standarte.

?Ka gjykatës që u janë pranuar justifikimet e pasurisë. Dhe cilat janë justifikimet? Ka prokurorë dhe gjykatës që thonë kemi marrë hua, kemi para nga emigracioni. Dhe disa prej këtyre u janë pranuar këto justifikime, dhe disa të tjerë jo. Unë refuzoj të besoj, siç qarkullojnë zëra se Komisioni i Pavarur i Kualifikimit po vepron sipas një liste të caktuar. Por refuzoj ta besoj! Në disa seanca, mjafton të jesh aty dhe të shohësh mënyrën se si komisioni relaton çështjen, për të kuptuar nëse gjyqtari apo prokurori do të ngelë në sitën e vettingut ose jo?  ka thënë Lala

Edhe Opozita në vijimësi ka lëshuar alarmin se Vettingu po kryehet me dy standarte.

Dje një nga portalet në vend raportoi, se ka pasur përplasje me ndërkombëtarëve dhe komsionerëve të Vettingut, pasi dyshohet se po favorizohet gjyqtari Artan Broci. Nuk është hera e parë që raportohen të tilla debate, nëse kujtojmë këti edhe rastin e kreut të Gjykatës Kushtetuese Bashkim Dedja.

Në këto rrethana,  kur fakte vijnë çdo ditë, dyshimet se komisionerët e Vettingut janë përfshirë në pazare korruptive sa vijnë dhe bëhen më të forta./CNA.al





Lajmet e fundit nga