E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Prokurori zbulon pazaret/ 1 milion e 500 mijë dollarë për të kaluar Vettingun

21 Korrik 2018, 11:01, Aktualitet CNA

Kanë kaluar 5 muaj që prej nisjes së procesit të rivlerësimit të gjyqtarëve e prokurorëve dhe deri sot, në fund të 20 ditëshit të korrikut, nuk ka marrë fund akoma, kalimi në ?sitë? i 36 prokurorëve dhe gjyqtarëve të listës së parë, duke verifikuar vetëm 11 prej tyre, aq sa duket sikur vetë Komisioni Pavarur i Kualifikimit (KPK), po imiton ?modelin? e vonesave të gjyqeve.

Para disa ditësh, ?Pamfleti?, ka kryer dhe publikuar një përllogaritje mes ritmit numerik me të cilin po verifikon Komisioni Pavarur i Kualifikimit (KPK) dhe afatit për përfundimin e këtij procesi dhe rezulton se verfikimi 730 gjyqtarëve e prokurorëve, përfundon pas 32 vitesh, ose në vitin 2050!

Cili është shkaku i ritmit ?breshkë?, të punës së Komisionit të Pavarur të Kualifikimit (KPK)? Nuk ka kapacitete? Nuk ka profesionalizëm? Nuk ka shfrytëzim orari pune? Ka ndërhyrje dhe pengesa nga poltika? Apo pas kësaj vonese, fshihet ndonjë ?marifet? tjetër, që ka lidhje me pazare të pista, për ?pandëshkueshmëri? të banditëve prokurorë e gjyqtarë edhe me këtë proces, që është mundësia e fundit, për pastrimin e ?moçalit? të drejtësisë prej tyre?!

Ka zëra, që thonë se Komisioni Pavarur i Kualifikimit (KPK), ka lidhje me ?ndërhyrje?, për të lënë jashtë ndëshkimit shumë individë, ose për të shtyrë verfikimin e tyre me ?modelin e harresës?, nisur prej faktit, që në drejtësinë shqiptare, 80% e trupës së gjytarëve dhe prokurorëve janë bashkëshortë, kunetër, prindër-fëmijë, motra, vëllezër, kushërinj, nipër, mbesa, krushq, baxhanakë dhe ortakë në biznese?!

Nëse nuk qëndron asnjë nga këto shkaqe, përse ka vonesa, deri në qershor me 2 verifikime në muaj e tani me nga 4-5 verifikime në muaj, gjë sipas veprimit matematikor, duhen 30 vite proces?! Kujtojmë, që para 15 ditësh, Komisioni Pavarur i Kualifikimit (KPK), i drejtoi një letër krerëve të shtetit, me kërkesën për shtim stafi e pagash dhe këto kërkesa, i paraqitën si shkak i ritmit të ulët numerik në verifikime, mirëpo një dëshmi konfedenciale që ka mundur të marrë ?Pamfleti”, flet për një shkak të tjetër të kësaj vonese, që e ka emrin ?pazar? edhe me ?Vetting?-un.

Po publikojmë ?sekretin?, që na rrëfeu konfidencialisht në bisedë, një prokuror kandidat-viktimë e ?Vetting?-ut, për shkak të pasurisë së pajustifikuar që ka deklaruar dhe të pusurisë së fshehur, që ia kanë zbuluar.

Sipas tij, nga kjo ?fshesë? mund të shpëtosh, vetëm nëse gjen ?dorën?, ku mund të hedhësh ?gjobën? e pazarit që është vendosur, pasi pazari i ?shpëtimit? nga ?Vetting?-u, ose i shtyrjes së afatit, po qarkullon hapur në mjediset e prokurorëve e gjyqtarëve.

Ata, që ndihen të rrezikuar dhe janë të bindur se do të ?digjen?, për shkak të pasurive ?mal? që kanë dhe dosjeve të manipuluara në hetime e procese gjyqësore, në favor të ?tipave? të krimit dhe korrupsionit, kanë nisur të kërkojnë e gjejnë, ?sekserët? brenda kupolës së politikës, por edhe brenda organeve të ?Veting?-ut, duke bërë gati ?zarfat? për të shpëtuar, apo shtyrë afatin.

Sipas prokurorit kandidat-viktimë e ?fshesës? së Komisionit të Pavarur të Kualifikimit (KPK), pazari është fiksuar 500 mijë USD për shtyrjen e datës së Vetingut me 1 vit, me shpresën se procesi do të jetë ?flakë kashte? e do ndërpritet si çdo proces tjetër dhe 1 milion USD, për nxjerrjen nga lista e verifikimit.

Nuk është aspak çudi, ky pazar që po qarkullon, nisur prej faktit, që Drejtoria e Sigurimit të Informacionit të Klasifikuar (DSIK), ka identifikuar 200 gjyqtarë e prokurorë, të zhytyr në korrupsion dhe të lidhur me botën e krimit, ndërkohë Operacioni Ndërkombëtar i Monitorimit (ONM), ka shprehur dyshimet të hapura, ndaj ?pastërtisë së punës? të Komisionit të Pavarur të Kualifikimit (KPK), për ?mbrojtje? me fshehje të dhënash pasurore, abuzimesh, profesionale, lidhje me botën e krimit dhe marrje vendimesh klienteliste, në favor të disa gjyqtarëve e prokurorëve të ?molepsur? të verifikuaur deri tani, duke kërkuar rivlerësim të tyre nga Kolegji i Apelimit të ?Vetting?-ut.