web counter
LEXO PA REKLAMA!

SHKARKO APP

App Store
Google Play

E fundit!

x

Kush gënjen, Luli apo Salianji?

29 Qershor 2018, 16:58, Aktualitet CNA

Kryetari i Partisë Demokratike Lulzim Basha, ka akuzuar kreun e grupit parlamentar të Partisë Socialiste, Taulant Balla, si garantin e 3.4 milionë eurove të sekuestruar në “Toyota Yaris”, që vinin nga Belgjika në Shqipëri. Sipas Bashës, ato janë paratë e drogës, e për këtë e akuzoi Ballën si garant të tyre për çka sipas tij kishte qenë edhe në Gjermani.

Pas kësaj, Taulant Balla, ka kallëzuar penalisht Bashën, ndërsa në seancën plenare të së enjtes në Parlament, publikoi një foto në të cilën shfaqej shefi i selisë blu, me vëllain e një prej personave të shpallur në krëkim.

Ndërkohë që, sot në një prononcim për mediat, Basha tha se nuk e mbante mend se kur ishte bërë një foto e tillë, por u shpreh se mund të jetë bërë gjatë një fushate për zgjedhjet e pjesshme në Dibër.

Por nga ana tjetër, ka reaguar edhe deputeti i video-skandalit erotik Ervin Salianji, i cili ka dhënë një tjetër version për foton.

Sipas, Salianjit fotoja për të cilën flet Balla është realizuar në ditën e 26-vjetorit të themelimit të PD-së, kur çdo qytetar hynte e dilte në selinë e kësaj partie.

Ndonëse janë në një seli, Basha nuk merret dot vesh me një nga deputetët e tij besnik, e që sot doli me një version ndryshe nga ai, duke bërë që të ngrihen dyshime. Dikush po gënjen, është Salianji apo Luli apo të dy, këtë duhet ta thonë vetë ata. /CNA.al





Lajmet e fundit nga