web counter
LEXO PA REKLAMA!

SHKARKO APP

App Store
Google Play

Olldashi i kërcënuar me jetë, nuk pranon mbrojtje/ Futet në prokurori me makinë me xhama të zi

21 Maj 2018, 21:31, Aktualitet CNA

Jetmir Olldashi i shndërruar në personazhin më të rëndësishëm për një çështje që mund të sjell përmbysje të pushtetit nuk ka pranuar mbrojtje nga prokuroria.

Nën masa të veçanta sigurie, Jetmir Olldashi është shoqëruar me një mjet të blinduar dhe me xhama të zinj nga banesa drejtë prokurorisë së krimeve të rënda, ku ka dhënë dëshminë e tij në lidhje me video-përgjimin Agron Xhafa- Babalja..

Për më shumë se dy orë, Olldashi deponoi për llogari të dy procedimeve penale që janë regjistruar nga prokuroria e krimeve të rënda.

I gjendur në shumë sulme politike dhe jo vetëm, dëshmitari kyç i çështjes ka ardhur me duar në xhepa pranë prokurorisë, pa paraqitur pranë akuzës materialin origjinal të përgjimit, me të cilin ai pretendon se është i përfshirë vëllai i ministrit aktual .

I vetmi material që është në duart e prokurorëve është ajo që është transmetuar nga selia e PD-së.

Prokuroria pret që ditën e martë të marr në duar materialin origjinal të presupozuar si i regjistruar me mjete të sofistikuara.

Për një ekspertim të saj kjo prokurori do t?i drejtohet laboratorëve të Anglisë ose Italisë për të marr një rezultat mbi autencitetin e këtij audio-përgjimi.

(Këtë herë ndryshe nga video Meta-Prifti, nuk do të jenë amerikanët që do të përfshihen në këtë akt-ekspertim).

Pa këtë material origjinal prokurorët e kanë të vështirë të përcaktojnë një akuzë. /CNA.al





Lajmet e fundit nga