web counter
LEXO PA REKLAMA!

SHKARKO APP

E fundit!

x

Heshtet mosbindja civile/ Përçahet opozita

8 Maj 2018, 09:59, Aktualitet CNA

Opozita shqiptare kishte paralajmëruar mosbindjen civile, kundër keq qeverisjes, por kjo fjalë është ?zhdukur? nga fjalori politik i Bashës dhe Kryemadhit, për më tepër ?opozita e bashkuar?, duket të jetë aspak e bashkuar në aksionin e saj.

Përçarjet në opozitë janë thelluar më tej. Ndërkohë që deputetët e PD kanë bojkotuar komisionet parlamentare, e kundërta ka ndodhur me deputetët e LSI-së, të cilët sot kanë marrë pjesë në Komisionin e Jashtëm Parlamentar, ku po raporton ministri Bushati.

Kujtojmë këtu se edhe në seancën e fundit parlamentare, deputetët e PD-së braktisen punimet e Kuvendit, duke ndjekur nga pas ish-kryeministrin Sali Berisha, ndërsa deputetët e LSI-së vijuan të qëndronin në sallë, duke u distancuar nga veprime e PD-së.

Por edhe brenda vetë PD-së ka mospërputhje mes atyre që thuhen dhe bëhen. Sot deputetët e PD-së nuk kanë qënë të pranishëm në Komisionin e Jashtëm, por dje nuk ndodhi e njëjta gjë. Deputetët e PD-së ishin të pranishëm në mbledhjen e Komisionit për Edukimin dhe Mjetet e Informimit Publik. Mesa duket Basha nuk është i bindur as vetë në atë çfarë trumbeton vetë në media çdo ditë./ CNA.al





Lajmet e fundit nga