web counter
LEXO PA REKLAMA!

SHKARKO APP

App Store
Google Play

E fundit!

x

Shkundi Kuvendin e PD/ Elezi paralajmëron Ramën për taksën e "Rrugës së Kombit"

30 Prill 2018, 17:16, Aktualitet CNA

Ibsen Elezi, ish-kryetar i PD Dega Kukës dhe një nga organizatorët e protestës së 31 marsit në Kalimash kundër vendosjes së taksës për Rrugën e Kombit, tha se ka bindjen që Kryeministri Edi Rama nuk do të bëjë të njëjtin gabim për të vendosur një taksim për automjetet që kalojnë në këtë aks, ndërse e paralajmëroi atë nëse do të guxojë e të vendosë taksë.

Po ashtu, ashtu si në Kuvendin kombëtar të PD-së, akuzoi eksponentë të veçantë të PD-së kanë ndërhyrë dhe kanë tentuar të mbajnë qëndrime për të bojkotuar protestën dhe këto janë fakte.

?Protesta ishte lokale dhe jo kombëtare. Kam akuzuar eksponentë të veçantë të PD-së që kanë ndërhyrë, kanë tentuar dhe kanë mbajtur qëndrime konkrete për të bojkotuar këtë protestë. Këto janë fakte konkrete, ndihmë nuk kemi kërkuar sepse s?kemi dashur ta politizojmë, pasi protesta i shërbente qytetarëve, dinjitetit të tyre. Ishte një aksion kundër qeverisë, por që kthehet në favor të opozitës.

Për rrugën e Kombit nuk do të vendoset asnjë tarifë sepse nuk do të bëhen prova të tilla me ndjeshmërinë e banorëve të Kukësit.

Rama kërkoi falje dhe nuk mendoj se do të bëjë një gabim tjetër që do të kërkojë falje prapë.

Protestës do ti shkohet deri në fund, nuk do të pranojmë taksën?, tha Elezi.

Në vijim ai u shpreh se protesta nxori një tjetër problem, që sipas tij është drejtësia e pavarur.

?Qytetarët u rrëmbyen në mes të natës dhe kjo nuk pasqyrohet askund. Tashmë ka prova dhe fakte sesi janë rrëmbyer qytetarët natën dhe mbahen në burg në kundërshtim me ligjet?, tha Elezi. /CNA.al





Lajmet e fundit nga