web counter
LEXO PA REKLAMA!

SHKARKO APP

App Store
Google Play

Ngacmoi seksualisht të miturën/ Merren masat ndaj mësuesit pedofil

29 Prill 2018, 06:56, Aktualitet CNA

Pas denoncimit të rastit të pedofilisë në fshatin Kalasë, Policia e Delvinës, pas ngritjes së akuzës për ngacmim seksual, ka shoqëruar mësuesin Neshat Tepelena.

Ngjarja:
Një rast ngacmimi seksual me të mitur në një shkollë 9-vjeçare në fshatin Kalasë, Bashkia Delvinë është denoncuar nga famuljarët dy muaj pas ngjarjes.
Ngjarja flitet se ka ndodhur në shkollën “Ali Hajdini”. 11-vjeçarja, nxënëse e klasës V pretendon se mësuesi e ka puthur në buzë

Rrëfimi i të miturës : Isha me një shoqe dhe po pastroja shkollën. Kur vajtëm në mes të korridorit më thotë lërja leckën shoqes dhe hajde pak në klasë. Më thoshte kur ta bëja me shenjë përse nuk dilje jashtë. E pyeta pse të dilja? Po nuk dole më, më tha do të të vë 4. Unë i marr vetë 4-at dhe 10-tat e mia dhe më puthi. Unë ika.
Ngacmimi seksual u mbajt i fshehtë prej dy muajsh për shkak të paragjykimeve. E ëma tregon se nuk e ka bërë publik rastin edhe sepse ka pasur ndërhyrje për të mos folur.

Mamaja e vajzës: Më tregoi se në orën e pastrimit e kishte kapur vajzën dhe e kishte puthur. Ne nuk e vazhduam historinë. Ai u interesua që ne të mos bëjmë gjë denoncim.
Prindërit ishin divorcuar ndërsa 11-vjecarja A. A jetonte prej vitesh në fshatin e gjyshërve të saj në Kalasë të Bashkisë Delvinë, ndërsa e ëma e saj jeton në Sarandë.

Nëna: “Vajza qëndroi dy muaj pa shkollë, nuk vajti fare. Tani vajza shkon sepse mësuesi është larguar nga aty dhe në vend të tij ka ardhur vajza e tij për të dhënë mësim”.
Mësuesi Neshat Tepelena momentalisht nuk është pezulluar, por është transferuar nga drejtoria arsimore në Delvinë në një shkollë tjetër fshatit Tatzat.
Jashtë kamerave, banorët e fshatit thonë se ky nuk ishte rasti i parë, madje disa prej tyre thonë se ky është rasti i tretë i ngacmimit seksual me nxënësit i këtij mësuesi.





Lajmet e fundit nga