E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Spaho sulmon Ahmetajn: Që pas përplasjes me makinë, të duket vetja ekonomist

21 Mars 2018, 18:51, Aktualitet CNA

Kryetari i Grupit Parlamentar të Partisë Demokratike, Edmond Spaho, ka reaguar pas publikimit të raportit të Fondit Monetar Ndërkombëtar për vendin tonë.

Nëpërmjet një postimi në rrjetet sociale, Spaho ka sulmuar ministrin e Financave, Arben Ahmetaj, teksa thotë se korrupsioni me ndërtimin e 3 inceneratorëve është vetëm hapi i parë i skemës mafioze.

Ai thotë:

“Pas përplasjes me makinë me ortakun në biznesin e plehrave, në trurin e Arben Ahmetajt ka ndodhur një mrekulli: ka filluar t?i duket vetja si ekonomist. Qënia ministër çfarëdo e një njeriu të nivelit të Ahmetajt do të ishte qesharake për çdo komb, por në vendin ku Kryeministër është Edi Rama, injoranca spektakolare dhe babëzia prej manjaku për të vjedhur dhe dhunuar, janë vlera. Ndaj Beni sot është ministër i financave, ekonomisë, punësimit, tregtisë, koncesioneve.

S?kishte si mos te dilte Arben Ahmetaj te mbronte PPP. Eshte nje nder perfituesit e medhenj te kesaj skeme sic jane inceneratoret. Ndërtimi i 3 inceneratorëve është skema mafioze për t?i dhënë 178 milionë euro një personi të vetëm, të lidhur me Arben Ahmetajn.

5 mln euro nga buxheti i shtetit i ka dhene Arben Ahmetaj inceneratorit te Fierit e cila ska vendosur as nje tulle te vetme per ndertimin e tij.

Korrupsioni ne ndertimin e tre inceneratove eshte vetem hapi i pare i skemes mafioze. Hapi tjeter eshte importi i mbetjeve te Europes per te permbushur kapacitetin perpunues te inceneratoreve.”

Sipas kreut të grupit të PD-së, Rama dhe hajdutët e tij kanë një projekt për të vjedhur, pastruar para dhe mbushur vendin me plehra dhe me drogë.

“Vjedhin, pastrojne para dhe mbushin Shqiperin me droge dhe plehra. Ky eshte projekti i Edi Rames dhe hajduteve te tij.

Persa i perket debatit per TVSH e biznesit te vogel, borxhit, faturave te papaguara e te tjera ceshtje te ngritura me shqetesim nga FMN, i kujtojme Benit te Vogel te Zullumeve te Medha se ai, personalisht, do te mbahet pergjegjes per kolapsin e financave te shtetit, rrenimin e ekonomise se vendit dhe shkermoqjen e ekonomise se qindra mijera familjeve shqiptare. Neser, ai nuk do mund te shpetoje duke thene se nuk i kuptonte keto gjera, se ai per anglisht ka mbaruar…” /CNA.al