web counter
LEXO PA REKLAMA!

SHKARKO APP

App Store
Google Play

30 mijë euro në javë, këngëtarja shqiptare më e pasur se Obama

9 Mars 2018, 13:32, Lifestyle CNA

Është një nga shqiptaret më të dashura në botë, por askush s’do ta kishte menduar se Rita Ora mund të jetë më e pasur se ish-presidenti amerikan, Barack Obama.

Të dhënat janë bërë publike nga “Celebrity NetWorth”, e cila raporton se pasuria e 27-vjeçares vlerësohet të jetë rreth 16 milionë dollarë (13 milionë euro).

Nga ana tjetër, Barack Obama gjatë kohës kur ishte president, fitoi 12 milionë dollarë neto.

Edhe pse  në vitin 2016 ishte viktimë e një mashtrimi dhe humbi 3.2 milionë dollarë,  Rita vazhdon të jetë e pasur.

Burimi kryesor i të ardhurave janë padyshim hitet dhe albumet muzikore, të cilat e kanë cuar këngëtaren shqiptare në majat e klasifikimeve.

Në fund të vitit 2017, ylli i muzikës pop paralajmëroi turneun e ri muzikor që do ta zhvillojë gjatë këtij viti dhe ka lidhur gjithashtu kontrata me brende të njohura.

Vetëm nga marrëveshja me Adidasin, ajo ka përfituar 1.5 milion funte (1.68 milion euro). Nga viti 2016, këngëtarja bashkëpunon edhe me Tezenis, në koleksionet e të brendshmeve

Rita është gjithashtu një sipërmarrëse e suksesshme.

Edhe pse nuk kishte publikuar asnjë material të ri muzikor për një periudhë njëvjeçare (deri në prill 2017), ajo kishte fituar mbi 30 mijë euro në javë, duke përfituar 1.4 milion funte (1.57 milion euro) në atë periudhë 12 mujore.

Krahas këngëve, Ora është angazhuar edhe në aktrim dhe në gara konkurrimi, si ?The Voice UK?, ?The X Factor? dhe ?America?s Next Top Model?./CNA





Lajmet e fundit nga