web counter
LEXO PA REKLAMA!

SHKARKO APP

App Store
Google Play

Evropa në alarm/ Miliona euro drogë shqiptare bllokohen çdo ditë

8 Mars 2018, 10:09, Kronika CNA

Trafiku i drogës nga Shqipëria po mbyt Evropën. Janë statistikat ato që konfirmojnë një fakt të tillë.

Përditë kapen shqiptarë me drogë në Itali, Greqi, Angli e më gjerë.

Mjafton të shfletosh shtypin e huaj, raportin e Policisë italiane, greke, angleze dhe  kudo në Europë, që raportojnë arrestimin e shqiptarëve që kapen me kanabis.

Ditën e sotme u raportua për arrestimin e 5 personave në Itali, ndërmjet tyre shqiptarë, të cilëve u është bllokuar  300 kg kanabis.

Vetëm sasia e kapur dhjetë-ditëshin e fundit në Itali, e raportuar nga mediat në rajon  përllogaritet në miliona euro.

Bëhet fjalë për lëndë narkotike të rritur, kultivuar, magazinuar, e transportuar nga Shqipëria drejt vendeve të Evropës.

Një javë më parë, 3 shqiptarë kapo të një grupi në Itali, iu sekuestruan rreth 5 ton hashash, ndërsa më 18 shkurt dy të tjerë u arrestuan nga policia italiane gjatë një operacioni anti-drogë në Katania, pasi iu gjetën  17.5 kg heroinë dhe 8 kg përzierës.

Mësohet se droga do të siguronte mbi 300 mijë Euro nëse do të hidhej në treg.

Janë edhe shumë raste të tjera, të cilat nuk po i përmendim, por tashmë nuk e mohon dot askush ekzistencën e hashashit apo të përpunimit të drogave të tjera në Shqipëri.

Dy destinacionet e para janë Greqia dhe Italia, të cilat njëherësh janë linjat e para të kanabisit. Por, tashmë pa frikë se këto dy destinacione  janë kthyer në linja të kokainës.

Ata që trafikojnë 300 kg kanabis, nuk e kanë problem që të çojnë 1 kg kokainë apo heroinë në Europë./CNA.al

 

 





Lajmet e fundit nga