Denoncim-PD rrezikon të shkrihet në Kavajë/ Kryebashkiaku i Bashës përçan demokratët

25 Shkurt 2018, 12:58, Aktualitet CNA

Një denoncim ka mbërritur në redaksinë e CNA.al (CityNews Albania), ku i shenjëstruar është kryebashkiaku Isa Sakja, për të cilin thuhet se po përçan demokratët e Kavajës, ndërsa ka instaluar edhe skemën e emërimeve nepotike në Bashkinë e Kavajës.

Isa Sakja, ka marrë drejtimin e Bashkisë së Kavajës, pasi fitoi në zgjedhjet e parakohshme që u zhvilluan në qytetin e Kavajës për shkak të ndërprerjes së mandatit të paraardhësit të tij si pasojë e ligjit për dekriminalizimin, më 25 qershor 2017.

Sipas denoncimit në fjalë, kryetari i Bashkisë, Sakja ka 6 muaj që fyen demokratët e Kavajës dhe përçan PD-në e këtij qyteti.

?Sa mori Bashkinë e ktheu atë në një çerdhe punësimi për familjen e vet, për ata që i dhanë para dhe për ata që ju servilosen?, thuhet në denoncim.

Madje mënyra se si po e drejton Bashkinë e Kvajës, Sakja, po i detyron demokratët e këtij qyteti që të shkrijnë PD ?në e Kavajës.

?Rasti më i fundit është punësimi i një familje me 4 pjesëtarë të gjithë në Bashki. Ky është një skandal i paparë në 27 vite. Të punësosh 4 anëtarë në një familje nuk e ka bërë as Elvis Rroshi që ishte e asnjë kryetar tjetër në gjithë historinë e pluralizmit shqiptar.

Por, mesa duket Republika e re nuk pyet për histori. Kryetari i Bashkisë ka punësuar Drejtoreshën e Kadastrës në Bashki të afërmin e tij, ndërsa Drejtor të Urbanistikes, djalin e tezes së tij.

Tek ujësjellësi ka punësuar kushërinjtë e tij. Ka dhe plot emërime të tjera të njerëzve të pasur në Kavajë, që kanë punësuar gratë, dashnoret apo motrat.

Kryetari i Bashkisë e ka mendjen të vjedh ndonjë lek për vete me lejet e ndërtimit dhe fondet e ndryshme që vijnë për qytetin. Kurse për fukarenjtë asgjë. Si gjithmonë të nëpërkëmbur?, thuhet në denoncimin e mbërritur pranë CNA .al.

Sipas denoncimit në fjalë, 70% e stafit aktual janë administrata e Elvis Rroshit dhe se performanca e kryetarit Isa Sakja është më e ulët se paraardhësit të tij Elvis Roshi.

?Për demokratët e vërtetë asgjë. 70% e stafit aktual janë administrata e Elvis Rroshit.

Kryetari i Bashkisë së Republikës së re në Kavajë vetëm sa ka rritur barkun e tij, të familjarëve të tij dhe të tarafit të tij, të ngushtë sepse në 6 muaj asgjë nuk ka bërë për këtë zonë. Performanca e tij është më e ulët se e Partisë Socialiste, më e ulët se atij krimineli që Luli për 3 vjet me radhë e sulmoi dhe e denigroi.

Humbja e radhës do jetë akoma më e rëndë deri në shkrirjen përfundimtare të të ashtuquajturës Parti Demokratike që dikur na frymëzonte e sot na bën për të vjellë.Turp?, përfundon denoncimi.

CNA.al ka kontaktuar edhe kryetarin e Bashkisë së Kavajës Isa Sakja, për të marrë qëndrimin e tij në lidhje me akuzat e ngritura, por nuk morëm përgjigje prej tij.CNA.al