web counter
LEXO PA REKLAMA!

SHKARKO APP

App Store
Google Play

E fundit!

x

Ngërçi në Kushtetuese/ 3 çështjet që rrezikojnë bllokimin e procesit

25 Shkurt 2018, 09:29, Aktualitet CNA

Edhe pse Kuvendi dhe Presidenti Ilir Meta, po punojnë për t?i dhënë zgjidhje problemeve në Gjykatën Kushtetuese, procesi i vetingut pritet të hasë sërish probleme.

Kjo pasi janë tri çështje që rrezikojnë të bllokojnë procesin e përzgjedhjes së anëtarëve që mungojnë në Kushtetuese.

Problemet nisin me Këshillin e Emërimeve në Drejtësi.

Sipas nenit 7/b të ligjit për organizimin dhe funksionimin e Gjykatës Kushtetuese, pas ?prurjeve? të kandidaturave, KED duhet të mblidhet për të shqyrtuar dosjet e mbërritura dhe më pas hartohet një listë përfundimtare që i shkon Presidentit.

Ky i fundit ka të drejtë të zgjedhë mes kandidatëve të renditur në 3 pozicionet e para të listës, por duke qenë se anëtarët e KED nuk e kanë kaluar akoma vetingun, e gjithë kjo procedurë është e pavlefshme.

Mundet që anëtarët e rinj të zgjidhen edhe nga vetë Presidenti Meta, pa u konsultuar me KED, por kjo do të sillte një ngërç.

Situata politike në Kuvend, midis partive politike për të zgjedhur gjyqtarin e ri, është një tjetër çështje e cila ndikon në vijueshmërinë e procesit.

Kujtomë këtu se Kuvendi ka shpallur një vend vakant për gjyqtar dhe deri tani ka shprehur interes vetëm një kandidat, kjo mund të shkaktonte një kaos sepse nuk të jep mundësinë e përzgjedhjes dhe mbase kandidati i vetëm nuk i plotëson kushtet.

Sipas nenit 7/c të ligjit për organizimin e Gjykatës Kushtetuese, për emërimin e një anëtari të ri duhen 84 vota, pra PD-PS. Por një gjë e tillë duket e pamundur prandaj procesi mund të dështojë.

Ligji parashikon se nëse s?ka konsensus politik, atëherë zgjidhet automatikisht emri i renditur i pari në listë.

Ndërsa duhet theksuar se asnjë nga gjyqtarët e interesuar për t?u emëruar në Gjykatën Kushtetuese nuk e kanë kaluar vetingun dhe kjo pritet të jetë një tjetër problem i cili do të  pengojë këtë proces. /CNA.al

 





Lajmet e fundit nga