web counter
LEXO PA REKLAMA!

SHKARKO APP

App Store
Google Play

E fundit!

x

Shpallja 'non grata' e Llallës/ Rama: Këmbanë alarmi nga SHBA, për parinë e Tiranës

25 Shkurt 2018, 08:17, Aktualitet CNA

Veprimtari shqiptar në Shtetet e Bashkuara të Amerikës, Shenasi Rama, në një intervistë për ?Shqiptarja.com? ka komentuar paralajmërimin e Departamentit Amerikan të Shtetit për izolimin e zyrtarëve të korruptuar shqiptar.

Teksa ka komentuar shpalljen non grata të ish-kryeprokurorit Adriatik Llalla nga SHBA, Rama thekson se kjo ishte një këmbanë alarmi për parinë e Tiranës dhe një veprim i mirë menduar.

Rama thotë se një vendim i tillë tregon seriozitetin e SHBA-ve, ndërsa ka thënë se dhe një tjetër ish-kryeprokuror i përgjithshëm është në shqyrtim nga SHBA-të.

?Më së pari, një vendim i tillë tregon se proceset po ndiqen me seriozitetin e duhur. SHBA-të po merren edhe me një ish-Prokuror të Përgjithshëm në Tiranë. Natyrisht që merren edhe me ata që janë më lart në hierarkinë shtetërore, por me që janë në detyrë po tregohen diskretë. Llalla vetë ka thënë se ambasadori i SHBA i ka kërkuar arrestimin e Ilir Metës dhe të Sali Berishës? dhe hapur është përpjekur të diskreditojë SHBA dhe ambasadorin për ndërhyrje në lidhje me proceset si me Bankers etj. Së dyti, tregon se ka një çarje të thellë dhe papajtueshmëri të ndjeshme midis parisë sunduese të Tiranës dhe SHBA në nivelin shtetëror?.

Më tej Rama ka thënë se kasta politike është e përfshirë në zullume dhe janë të lidhur me njëri tjetërin dhe për këtë arsye nuk lëshojnë njeri, ndërsa e ka ilustruar me shembullin e një lëmshi.

?Lëmshi shpërbëhet edhe duke tërhequr vetëm një fije?.

?Paria e Tiranës nuk do të lërë njeri të bjerë në rrjetën e gjykimit të huaj sepse e din se lëmshi shpërbëhet edhe duke tërhequr vetëm një fije. Kështu që do të ruajnë njëri-tjetrin dhe interesat e tyre. Pra, edhe përkundër kërkesave të SHBA, ata e mbajtën këtë person në detyrë dhe do ta mbrojnë deri në fund atë, dhe njëri-tjetrin. Së treti, është edhe një shenjë se pavarësisht se është në NATO, shteti shqiptar është një shtet jashtë kontrollit, pak a shumë në nivelin e Moldavisë. Së katërti, tregon se ky individ është pjesë e një strukture më komplekse. Që të korruptohesh dhe të përcaktohesh si i korruptuar, do të thotë se je në një rrjet ndërvarësish dhe sjelljeje kriminale me shumë të tjerë?.

Më tej Rama shtoi se Llalla ka qenë ?zari? i dikujt dhe ata do të dalin më vonë, ndërsa ka thënë më tej se vendimi për llallën nuk ishte i vonuar, por i mirë menduar dhe me një mesazh për politikën.

?Duke qenë se zotëria në fjalë ishte një zar i dikujt tjetër, atëherë është afërmendsh që edhe ata që e vunë në atë detyrë janë në lista të caktuara që mund të dalin më vonë. Së pesti, nuk ishte një vendim ekstrem, sepse ka edhe mënyra të tjera për të adresuar probleme të tilla. A ishte o vonuar? Nuk mendoj. Mospajtueshmëria e SHBA me parinë dhe në veçanti me ish-prokurorin e Përgjithshëm dihet me kohë dhe është e bërë publike si nga Ambasada e SHBA ashtu edhe nga vetë zotnia në fjalë. Ishte një veprim i llogaritur për të përcjellë një mesazh që gjithsesi u trajtua me shumë indiferencë në Tiranë?. /CNA.al





Lajmet e fundit nga