web counter
LEXO PA REKLAMA!

SHKARKO APP

App Store
Google Play

Dua Lipa rrëfehet për revistën amerikane “Rollingstone”: Jeta ime në Kosovë

24 Shkurt 2018, 10:42, Lifestyle CNA

Pasi u shpall këngëtarja më e mirë në Britani, të gjitha mediat nuk po ndalin së shkruari për vajzën me origjinë nga Kosova, Dua Lipën. Tashmë ajo ka rrëfyer jetën e saj dhe periudhën e kaluar në Kosovë, në një intervistë me revistën amerikane ?Rollingstone?.

Lipa thotë se, duke u rritur, e mësoi më mirë se çfarë do të thotë puna. E lindur në Londër, ajo vjen nga një familje shqiptare nga Kosova, që ishte larguar nga atdheu kur vendi ishte përfshirë në konflikt. Prindërit e saj ishin emigrantë në Britaninë e Madhe, të cilët ?punonin në restorante dhe kafene?.

?Ata punuan shumë, me të vërtetë shumë dhe teksa po punonin, babai im vijoi shkollën për të marrë një diplomë biznesi, pastaj një master në gazetari, pastaj filloi të merrej me reklamime. Dhe, kur u transferuam në Londër nëna studio për turizëm?.

Talenti në muzikë Duas i është kaluar nga babai i saj. Këngëtarja shqiptare nuk lë pa përmendur edhe këtë fakt, duke kujtuar kohën kur ai këndonte në një grup kosovar të quajtur Oda.

?Ata [grupi Oda] bënin muzikë për argëtim, por pastaj realizuan një këngë vërtet të njohur të quajtur ?Beso në Diell?. Unë realizova një koncert në Kosovë dy vite më parë dhe vendosa që ta befasoj babanë dhe ta këndojmë bashkë këtë këngë. Ishte goxha surreale, sepse të gjithë në audiencë këndonin së bashku?, thotë Dua.

Në adoleshencën e saj të hershme, Lipa u kthye për të jetuar në kryeqytetin e Kosovës, Prishtinën:

?Mund të flisja gjuhën, por nuk mund të lexoja e të shkruaja mirë, kështu që kjo lëvizje ishte dekurajuese ? fëmijët e tjerë nuk bënin gabime drejtshkrimore në detyrat e shtëpisë, dhe jo vetëm kjo, por thjesht duke qenë vajzë e re në shkollë, pasi të gjithë kishin formuar miqësitë e tyre?.

 

Dua Lipa do të rikthehet sërish në Kosovë, për të realizuar një koncert më 10 gusht të këtij viti./CNA





Lajmet e fundit nga