web counter
LEXO PA REKLAMA!

SHKARKO APP

App Store
Google Play

Dështon përsëri seanca plenare për marrëveshjen e kufirit Kosovë-Mali i Zi

23 Shkurt 2018, 15:26, Kosova & Bota CNA

Këtë herë, në të kundërt të asaj çka kishte deklaruar ditën e djeshme kryesuesi i Kuvendit të Kosovës, lidhur me futjen për miratim në seancë plenare të marrëveshjes së Demarkacionit me Malit e Zi, sërish kjo nuk ka ndodhur.

Dy partitë, LDK dhe PDK, kanë qenë të parat të cilat kanë kërkuar që seanca për ratifikimin e Demarkacionit të shtyhet për një ditë tjetër në mënyrë që tu jepet kohë partive politike të arrijnë konsensus.

Edhe pse kryetari i Kuvendit, Kadri Veseli vendosi që të shkohet në pauzë pesë minutëshe, në mënyrë që shefat e grupeve parlamentare të mund të konsultohet për të shmangur Rregulloren e Kuvendit, pauza zgjati plot 30 minuta, raporton “Zëri.info”.

Shefi i Grupit parlamentar të PDK-së ka thënë që do të ishte mirë që seanca të shtyhet për të hënën.

Memli Krasniqim nga Parti Demokratike e Kosovës, tha se ratifikimi i marrëveshjes së Demarkacionit gjatë ditës së sotme po del të jetë i pamundur.

“Ne mendojnë që më e rëndësishmja është që të hymë në një proces që mundëson ratifikimin e marrëveshjes, duke e parë që kjo gjë është e pamundur ne jemi në favor të asaj që pesë shefat e grupeve parlamentare u dakorduam, pra që seanca do vazhdoj të hënën në orën 10:00”, tha Krasniqi.

Edhe AAK e Nisma  e ka mbështetur këtë propozim. Në fund me gjashtëdhjetë vota pro u vendos që të mërkurën  në orën 10:00 të vazhdoj seanca për ratifikimin e marrëveshjes së Demarkacionit./CNA.al





Lajmet e fundit nga