web counter
LEXO PA REKLAMA!

SHKARKO APP

App Store
Google Play

Alarmohet inteligjenca italiane: Mafia shqiptare kërcënim për sigurinë në vend

21 Shkurt 2018, 16:27, Kosova & Bota CNA

Shërbimi sekret italian ka depozituar në parlament raportin vjetor për vitin 2017 lidhur me gjetjet dhe sfidat e sigurisë kombëtare.

Sikurse ka raportuar ?Shqiptarja.com?, ajo çka ka rënë në sy në këtë raport është se shqiptarët janë një kërcënim i madh i sigurisë italiane, sa i takon bandave të cilësuara si para-mafioze, të përfshira kryesisht në trafikun e lëndëve narkotike, grabitjet, shfrytëzimin e prostitucionit dhe lidhjet me xhihadizmin terrorist.

Raporti i depozituar në Parlament nga Shërbimi Sekret Italian, pohon se organizatat kriminale shqiptare janë ato që lidhin më shpesh marrëdhënie bashkëpunimi me organizatat kriminale italiane,ndërsa rrugët mbeten  aktive edhe në krimet e grabitjes dhe të shfrytëzimit të prostitucionit.

Një tjetër çështje shqetësuese në raport, është dhe mbërritja e emigrantëve të cilët, në dy vitet e fundit nuk kanë bërë regjistrimin, që konfirmon hyrjen në shtetin italian.

Ky raport vjen në kohën kur vendi ynë është duke u përgatitur për të nënshkruar një marrëveshje me Frontex për kontrollin e kufijve, ndërsa kujtojmë këtu se në 2017-n, 6 shqiptarë janë përzënë dhe i është ndaluar hyrja në shtetin Italian, si të dyshuar për lidhjet e tyre me xhihadizmin terrorist. /CNA.al

 

 

 

 

 

 





Lajmet e fundit nga