web counter
LEXO PA REKLAMA!

SHKARKO APP

E fundit!

x

Preket Ardit Gjebrea për aksidentin tragjik në Shkodër:"Çfarë dhimbje ndjeva"

19 Shkurt 2018, 09:44, Kronika CNA

Nëna po lufton me vdekjen, ndërsa babai dhe dy fëmijët kanë ndërruar jetë.Aksidenti tragjik ku u përfshi një familje shkodrane dhe të vegjlit e tyre la lënë pa fjalë mbarë vendin, ditën e djeshme.

Tragjedia e rëndë i ka prekur të gjithë, të madh e të vegjël, ndërkohë që mjekët luten që të mund të shpëtojnë vajzën 10-vjeçare dhe nënën e saj.

Fjalët dhe ngushëllimet për familjen që u përfshi në aksidentin tragjik nuk kanë munguar as nga personazhet publike, të cilët kanë reaguar të tronditur.

I fundit që ka reaguar ka qenë kantautori Ardit Gjebrea i cili shprehet se i është thyer zemra dhe se i lutet Zotit që të shpëtojë vajza dhe nëna.

Në një postim të ndjerë, ai shkruan se:

Sapo lexova për aksidentin në rrugën Shkodër – Velipojë… Ka humbur jetën një baba me djalin 8 mujash dhe më vonë edhe vajza 5 vjeçe. Ndërkohë bashkëshortja e tij dhe vajza tjetër 10 vjeçare po luftojnë me vdekjen.
Gjysmohet një familje me rrezikun të shuhet fare!

Nuk i njoh, por fort po lutem: Prehuni në paqe dhe Zot shpëtoje vajzën me nënën!/CNA

 





Lajmet e fundit nga