web counter
LEXO PA REKLAMA!

SHKARKO APP

App Store
Google Play

E fundit!

x

Kosovë/ SHBA kërkon luftimin e korrupsionit dhe dialog me Serbinë

18 Shkurt 2018, 15:25, Kosova & Bota CNA

Në pritjen shtetërore të dhjetëvjetorit të pavarësisë së Kosovës i ftuar ka qenë edhe ndihmëssekretari i Mbrojtjes i ShBA-së për Çështje të Sigurisë Ndërkombëtare, Robert S. Karem.

Zyrtari i lartë amerikan është shprehur i lumtur që është i pranishëm për festën e 10-vjetorit të pavarësisë në Kosovë. Gjatë fjalimit të tij Karem ka bërë thirrje te liderët e vendit dhe te qytetarët e Kosovës që të zgjedhin rrugën euroatlantike. Ai gjithashtu ka siguruar se shteti i Kosovës do të vazhdojë të ketë përkrahjen e SHBA-së, transmeton Express.

?10 vjet më parë u arrit Pavarësia, tani duhet të zgjedhni rrugën e së ardhmës. Inkurajoj të luftoni korrupsionin, të sillni ata para drejtësisë, të normalizoni raportet me Serbinë dhe të zgjidhni rrugën Euroatlantike?, tha Karem ndër të tjera.

Partneritetin e Kosovës dhe SHBA-së zyrtari i Pentagonit e ka quajtur model. Ai ka bërë thirrje që liderët e vendit të zgjedhin rrugën e së ardhmes të ndërtuar mbi vlera të demokracisë, duke siguruar se vetëm kështu do ta kenë përkrahjen e Amerikës.

Karem u shpreh i gëzuar që javën e kaluar ka takuar liderët e vendit në Uashington ndërsa sot po i takon ata në festën e Pavarësisë në Kosovë. Ai ka përmendur se ndihet i nderuar edhe me praninë e kongresistit amerikan Eliot Engel, duke e theksuar rolin e tij si një përkrahës i madh i Kosovës.

Vetë Engel ka mbajtur fjalim gjatë seancës solemne të pavarësisë së Kosovës, me ç’rast e ka uruar popullin e Kosovës dhe ka thënë se dëshiron që shumë shpejt ta shohë Kosovën në BE, NATO dhe OKB.

 





Lajmet e fundit nga