Skandali, pedagogët pa paga/ Ja, cilat janë zgjidhjet

10 Shkurt 2018, 09:11, Aktualitet CNA

Lënia e pedagogëve pa paga, e ka zanafillën që me miratimin e Ligjit për Arsimin e Lartë parë tre viteve.

Konfirmimi ka ardhur nga pedagogu Fabian Topollaj, i cili edhe më herët e kishte paralajmëruar një gjë të tillë.

?U bënë 10 ditë që pedagogët e universiteteve publike nuk marrin pagën mujore të muajit Janar.

Me miratimin e ligjit të ri të arsimit të lartë, këtu e tre vite të shkuara, kam paralajmëruar tërheqjen përfundimtare te shtetit nga subvencionimi i arsimit të lartë dhe rrjedhimisht detyrimin e institucioneve të arsimit të lartë publik për t?u kthyer në ndërmarrje private, ku edhe pagesat e pedagogëve do duhet të vilen nga tarifat e studentëve.

Ky ka qenë qëllimi kryesor i atij ligji që nisi të zbatohej pjesërisht me miratimin e tij kur buxheti akordonte vetëm disa muaj të pagesave te pedagogëve (pra jo të gjitha) dhe me nisjen e 2018 me sa duket po zbatohet plotësisht, sepse shteti paska mbyllur përfundimisht qesen për arsimin e lartë publik dhe pedagogët e këtyre institucioneve?, ka sqaruar Topollaj.

Sipas të njëjtit, ky ligj dhe kjo vendimarrje është tërësisht antikushtetuese, sepse Kushtetuta në nenin 57 të saj e përcakton arsimin e lartë si një nga të drejtat themelore pozitive, e cila mund të garantohet vetëm me ndërhyrjen aktive të shtetit.

?Që do të thotë që shteti ka detyrim të ngrejë institucionet e arsimit të lartë publik dhe ka detyrim të paguajë nga buxheti i shtetit të paktën rrogat e pedagogëve të këtyre universiteteve, si kusht paraprak për funksionimin e këtyre institucioneve.

Pedagogët dhe studentët kanë dy zgjidhje. Ose të bojkotojnë mësimin dhe të detyrojnë qeverinë të futet në hullitë Kushtetuese, ose të pranojnë shndërrimin e universiteteve publike në private e rrjedhimisht barazimin e tarifave dhe numrit të studenteve të tyre me ato private?, ka shkruar më tej Topollaj.

Përcaktimi i tarifave në fakultetet shtetërore në 2000 euro viti për student jo vetëm rëndon familjet shqiptare, jo vetëm përdhos të drejtat kushtetuese të të rinjve, por është pranim i mbylljes dhe falimentimit të universiteteve publike në të gjithë vendin, e bashkë me të dhe vdekjen e arsimit publik.

?Rruga dhe bojkoti i mësimit janë e vetmja zgjidhje. Të tjerat janë pranim i së keqes nga pedagogët dhe studentët. Sa turp në qoftë se ndodh kështu? ka përfunduar Topollaj./CNA.al