web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet plani i masave të policisë gjatë protestës së opozitës/ Ja akset ku ndalohet qarkullimi

26 Janar 2018, 10:54, Aktualitet CNA

Një ditë para protestës së opozitës, zbulohet plani i masave nga policia. Mësohet se pritet të aktivizohen rreth 1500 policë nga komisariatet e Tiranës, forcat Shqiponja, FLO dhe FNSH për të siguruar rendin dhe qetësinë. Sipas burimeve, pranë vendit ku do të mbahet protesta do stacionohen edhe ambulanca dhe shërbimi zjarrfikës.

“BW” shkruan se drejtori i Tiranës u është lënë detyrë komisariateve të evidentojnë personat e dhunshëm. Ata do të monitorohen gjatë protestës me agjentë civilë. Ndryshe nga protestat e mëparshme priten të aktivizohen më pak punonjëse policie femra.

Masa ka marrë edhe policia rrugore. Autobusët që do të vijë me protestues nuk do të lejohen të futen në qytet. Ata që vijnë nga ana veriore do stacionohen pranë stadiumit ?Asllan Rusi?, ndërsa nga ana jugore tek Fakulteti Ekonomik.

Do të ndalohet qarkullimi dhe parkimi i mjeteve tek bulevardi ?Dëshmorët e Kombit? dhe rrugët ndërlidhëse të tij. Kufizim të pjesshëm mund të ketë edhe rruga që lidh selinë e PD me kryeministrinë.

Është kërkuar informacion dhe nga drejtoritë e qarqeve për personat me precedentë penalë dhe janë marrë masat për sigurimin e institucioneve në Bulevard. Vëmendje të madhe do ketë edhe kontrolli fizik i personave të dyshimtë për armë apo sende të paligjshme në akset kryesore të Tiranës.

Kujtojmë se PD ka marrë leje nga policia e Tiranës për një protestë neser në orën 12:00, e cila pritet te zgjase rreth 4 ore.





Lajmet e fundit nga