web counter
LEXO PA REKLAMA!

SHKARKO APP

App Store
Google Play

E vërteta e prishjes së familjes Meta-Kryemadhi me Edi Ramën

25 Janar 2018, 19:50, Aktualitet CNA

Është bërë proverbiale lufta pa asnjë princip e çiftit politik Ilir Meta-Monika Kryemadhi, përkatësisht president i Republikës dhe kryetare e forcës politike LSI, ndaj Edi Ramës, kryeministër e drejtues i PS-së. Si motiv përherë është lakuar  mosdakortësia e Ramës për ti dhenë atë pjesë pushteti që çifti Meta-Kryemadhi i kërkonin, ndërkohë që në një shkrim të sotëm ?Pamfleti? zbulon një të vërtetë tjetër.

Të vërtetën që tërboi Monikën në sallën e Kuvendit, duke mos e ndalur të hidhte shkresa e çizme në drejtim të Edi Ramës, të vërtetën për hatër të të cilës çifti ia bashkëngjiti partinë familjare LSI opozitës së djathtë etj., por dhe që e bëri Ilir Metën të trashte zërin presidencial e të hidhte poshtë ca dekret-ligje të miratuara nga maxhoranca.

Dhe cila është kjo e vërtetë, e sjellë në publikim nga ?Pamfleti?, nën etiketimin ?pabesi e Edi Ramës ndaj çiftit Meta-Kryemadhi??

?Përsa i përket pabesisë së Edi Ramës, ia vlen të jemi të ndershëm…?, nënvizon ?Pamfleti?, duke vijuar me tej: ?E vërteta e kulluar është se Rama kishte bërë marrëveshje me Metën dhe Monikën që Prokurori i Përgjithshëm i Përkohshëm të ishte Kreu i prokurorisë së Apelit të Durrësit Ferdinand Elezi. I cili sapo hodhi kandidaturën u pa si një kandidat i përshtatshëm dhe u lakua nga media si njeriu që do të bashkonte mazhorancën me opozitën për një Kryeprokuror konsensual. Për të shmangur më pas dhe përplasjet mes palëve politike. Elezi u pa dhe si një kalim i butë nga Llalla tek drejtësia e re, por dhe si njeriu që do të zbatonte postulatin ?i yti mishin ta ha po kockën ta ruan?. Ishte një kompromis dhe lëshim i Ramës për Metën për ta shpëtuar nga burgu… Dhe, për këtë, dyshja presidencialo-opozitare e familjes Meta-Kryemadhi e fjeti mendjen. Madje u qetësua dhe Berisha e Basha në krahun tjetër, duke e cilësuar si fakt të kryer këtë marrëveshje. Që do të argumentohej me paqen politike dhe konsensusin për Ferdinand Elezin njeriun e Metës në krye të Prokurorisë?./CNA.al





Lajmet e fundit nga