Facebook publikon prioritetet e të ardhmes

14 Janar 2018, 17:42, Aktualitet CNA

Rrjeti social gjigand ?Facebook? ka vendosur të rivlerësojë përmbajtjet në faqen e tij. Në të ardhmen do të kenë prioritet postimet e miqve dhe jo lajmet…

I prononcuar për radion gjermane DW eksperti Martin Giesler shpjegon efektet e këtij hapi që do të ndërmarrë facebook.

Sipas tij rrjeti është ndeshur vitin e kaluar me një stuhi të paparë ndonjëherë dhe u bë përgjegjës për shumë gjëra. Rol të rëndësishëm ka luajtur edhe debati për hapësirat që i japin jehonë në facebook vetëm pikëpamjeve të tua, duke të futur në një filtër që nuk të lejon të dëgjosh më mendimin e të tjerëve.

Madje Facebook u bë përgjegjës edhe për gjendjen shëndetësore të përdoruesve. Për shkak se debati ka të bëjë me Newsfeed, pra vendin ku shpërndahen lajmet, FB duhet të reagonte në këtë pikë.

Ndryshimet e pritëshme të facebook mbështeten në rregullin: ?Përdoruesi nuk duhet t’i dijë të gjitha… Kjo përzgjedhje mund të jetë e mirë e ta orientojë përdoruresin në xhunglën digjitale, por ajo mund të jetë edhe problematike, sepse ajo është një përzgjedhje në bazë të rregullave të Facebookut. E këto të thonë se përdoruesi nuk duhet të dijë gjithçka, por në radhë të parë të ndjehet mirë tek kjo platformë dhe të kalojë maksimalisht shumë kohë aty.

Ndërkohë i pyetur nga DW se: çfarë do të thotë për modelin e biznesit të Facebook-ut, personalizim i reklamës, eksperti Martin Giesler, dha përgjigjen e mëposhtëme:

?Newsfeed-i ku bashkohen përmbajtjet e një përdoruesi është i kufizuar. Kjo i rrit çmimet, që do të thotë, se duhet të paguash më shumë, që të mbërrish tek lexuesi si firmë mediatike. Por ky nuk është modeli parësor i Facebookut. Vëmendja përqëndrohet tek plotësimi i dëshirave të 2 miliardë përdoruesve dhe motivimi i tyre për përdorimin më të shpeshtë të FB. Me gjurmët që lenë përdoruesit, me dëshirat e tyre, me reagimet, me kohën kur ata reagojnë ?me këto arrin FB të fitojë shumë para, këto të dhëna janë ari i zi.

Dhe cila do të jenë lënda e parë për Facebook-un në të ardhmen?

?Kohët e fundit përdoruesit e kanë përdorur pasivisht FB, atyre iu janë servirur të dhëna, kanë klikuar apo parë një video, por nuk kanë dhënë shumë të dhëna personale. Të bëjnë të ditur, se çfarë i preokupon, çfarë ëndrrash e dëshirash kanë. Pikërisht kjo është lëndë e parë ku do të ketë zotërim Facebooku?, është përgjigjur eksperti Giesler. duke shpjeguar se facebook ka një interes të madh t’i ofrojë përdoruesit atë që atij i pëlqen, apo çfarë nuk e bezdis apo sfidon, kjo është pjesë e strategjisë së përftimit të të ardhurave.

Mirëpo: A është paniku aktual i mediave i justifikuar?

?Po, ai është i justifikuar në kuptimin që mediat duhet të shohin njëherë nga vetja. A nuk e kanë bërë veten shumë të varur nga rregullat e lojës të Facebookut? E kanë humbur shansin të orientohen tek një publik besnik, në vend që të rendin pas klikimeve apo likes. Tani ata detyrohen nga Facebooku të bindin përdoruesin që oferta e programit të tyre është e nderuar dhe se ia vlen të hedhësh një sy tek ta, pavarësisht Facebookut. E kuptoj, se tani mediat janë trembur, sepse qarkullimi i tyre do të bjerë fillimisht. Por në plan afatmesëm e shoh se Facebooku u jep mediave një shans për të gjetur vërtet publikun besnik?, ka shpjeguar Martin Giesler, ekspert për rrjetet sociale dhe drejtues i platformës:”Social Media Watchblogs”.