web counter
LEXO PA REKLAMA!

SHKARKO APP

App Store
Google Play

Protestat e opozitës/ Mustafaj tregon çfarë pritet dhe nëse do e pengojnë çeljen e negociatave

14 Janar 2018, 16:56, Aktualitet CNA

Ish-ministri i Jashtëm gjatë qeverisjes “Berisha”, Besnik Mustafaj, u shpreh se protestat e opozitës duhet të ishin një fakt shqetësues për Kryeministrin, për ta shtyrë atë që të analizojë situatën dhe qeverisjen e tij, por fakti që ai nuk sheh asnjë përgjegjësi te vetja është shqetësues.

Sipas Mustafajt, kryeministri duhet të shohë çfarë nuk shkon me qeverisjen e tij dhe nëse ka arsye për protesta nga opozita që tashmë është e bashkuar edhe me parti të majtë apo jo.

Më pasi ai ka dhënë opinionin e tij lidhur me pyetjen nëse i pengon kjo protestë dhe protestat e tjera të paralajmëruar të opozitës, çeljen e negociatave apo jo.

Ai shprehet: “Nëse janë të lira, në logjikën e demokracisë dhe brenda rregullave, ato nuk e pengojnë çeljen e negociatave.”

Sipas tij nga kjo protestë pritet matja e fuqisë kundërshtuese opozitare.

“Këto protesta kanë një veçanti, krahasuar me atë të para zgjedhjeve, përfshi edhe çadrën, pasi kanë një bashkim pakënaqësish mes dy partive opozitare, të djathtë e të majtë.
Po ashtu do të bëhet edhe matja e fuqisë kundërshtuese, sepse tani janë të dy faktorët e opozitës të bashkuar. Duhet parë se sa qytetarët do t’i bashkohen.”, – tha Mustafaj, ndërsa shtoi se, “Nuk do të çojë në krizë për rrëzimin e qeverisë.”

Sipas ish-ministrit të Jashtëm “e mira është se do të sensibilizojë opinionin publik për çkanabizimin e vendit. Shpresojmë që të thithin edhe jashtë militantëve. Do të ishte e pamjaftueshme për tu quajtur protestë popullore. Protesta e militantëve, së pari është e reduktuar dhe nuk ka argumente politikë për të kërkuar çmontimin e qeverisë Rama.” /CityNews

 





Lajmet e fundit nga