web counter
LEXO PA REKLAMA!

SHKARKO APP

App Store
Google Play

'Po më përndjek një i çmendur', adoleshentja gjendet e vdekur pas këtij mesazhi

7 Janar 2018, 23:30, Aktualitet CNA

Dy javë pasi postoi një status në “Facebook” ku shkruante se dikush e përndiqte, një adoleshente është gjetur e vdekur në Shtetet e Bashkuara të Amerikës. 19-vjeçarja Natalie Bollinger ishte deklaruar nga familja e humbur që prej 28 dhjetorit.

Trupi i saj u gjet i vdekur në një fermë në Kolorado dhe dyshimet e para janë tek Shawn Schwartz, një 42-vjeçar që e përndiqte adoleshenten.

Në një status në “Facebook”, Natalie shkruante se Schwartz e përndiqte prej një viti dhe i çonte mesazhe kërcënuese.

“Kam një deklaratë publike për një burrë të quajtur Shawn Schwartz. Jam takuar me këtë person kur isha më e vogël, 2 vite më parë. U bëmë miq dhe e kam ndihmuar. Ai ka udhëtuar nga njëri shtet në tjetrin vetëm për të më takuar, ka fjetur në një vend prapa punës sime për disa javë. Kur i thashë që nuk dua ta shoh më, ai më dërgoi qindra mesazhe dhe telefonata. Ai parkonte makinën para shtëpisë sime. I kam thënë të më linte rehat, por nuk e bënte. Për gati një vit më ka çuar emaile çdo ditë.

Unë e bllokoja, ai hapte adresa të tjera. Ai kërcënonte familjen time dhe miqtë e mi me mesazhe, thoshte që do vriste veten para meje. Po e ndaj këtë me ju sepse ai po shpif për mua në “Facebook”, kështu që po morët ndonjë mesazh, më vjen shumë keq. Ju lutem injorojeni, kur i ktheni përgjigje e inkurajoni. Ai është i çmendur”, shkruante Natalie Bollinger.

Policia e ka marrë në pyetje Shwartz si të dyshuarin e parë të vrasjes së 19-vjeçares, megjithatë nuk kanë mundur ta arrestojnë./CityNews





Lajmet e fundit nga