web counter
LEXO PA REKLAMA!

SHKARKO APP

App Store
Google Play

E fundit!

x

 “The Sun” kritika për supershpenzimet/ 36 shqiptarë u deportuan me një avion 111 vendësh

7 Janar 2018, 21:13, Aktualitet CNA

Tabloidi britanik “The Sun” ka reaguar ashpër për shpenzimet e larta që po paguan qeveria britanike për të kthyer mbrapsht në vendet e tyre, emigrantët e dëbuar apo kriminelët, përfshirë edhe ata shqiptarë. Sipas “Bota sot”, që e sjell në shqip shkrimin e tabloidit: Theksi në të vihet në faktin që të dëbuarti po deportohen me avionë privatë, ku thuajse më shumë se gjysma e vendeve janë bosh.

?Me avionë privatë gjysmë bosh të paguar nga taksapaguesit (britanikë)?, shkruan “The Sun”, janë duke u deportuar emigrantët ilegalë dhe të huajt që kanë shkelur ligjin.
Tridhjetë e pesë avionë të angazhuar nga Home Office fluturuan për të kthyer në vendet e tyre rreth 1500 persona nga Pakistani, Xhamaika, Nigeria dhe Gana. Në një avion drejt Pakistanit ishin 29 të depërtuar dhe 62 persona nga stafi dhe 177 vende bosh.

Në një udhëtim drejt Xhamaikës, u panë 42 persona që do të ktheheshin mbrapsht dhe një staf prej 138 personash.
Kurse, në një udhëtim drejt Shqipërisë, për të kthyer mbrapsht 36 persona, u mor një avion me 111 vende.
Reagimi ka ardhur pasi ?Home Oficce? deklaroi vitin e kaluar 2.1 milion paund shpenzime vjetore për të tilla kthime dhe kostoja ishte e lartë pasi mjaft bileta ishin anuluar, pasi azilkërkuesve iu ishte dhënë e drejta e ankimimit. 250,000 paund u deshën vetëm për të kthyer në vendin e tij vetëm një maroken.

Këto shpenzime të mëdha që po bëhen me avionë privatë për të kthyer mbrapsht personat e dëbuar nga Britania janë kritikuar nga John O?Connell, shefi ekzekutiv i Aleancës së Tatimpaguesve.





Lajmet e fundit nga