E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Mediat shqiptare kopjojnë qorrazi median serbe B52 për kanabisin shqiptar në Itali

3 Janar 2018, 09:14, Aktualitet CNA

Media elektronike serbe B52 në vazhdën e anunçimit dhe amplifikimit të lajmeve negative për Shqipërinë publikoi një lajm me burim nga Guardia di Finanza, për kapjen në Itali të 36 tonëve kanabis shqiptar gjatë vitit 2017.
Serbët për shkak të përkthimit të dobët nga italishtja në lajmin e B52 kanë ngatërruar sasinë prej 36 tonësh të kapura vetëm në bregdetin e Rajonit të Puljes me sasinë e kanabisit shqiptar të kapur në tërë territorin italian.

Ne shqiptarët jemi me fat, që armiqtë tanë rajonalë, serbët përgjithësisht nuk dallohen për inteligjencë, përfshirë edhe gazetarët serbë.
Mediat mediokre, budallaqe e dembele shqiptare, që janë afër opozitës (PD-së) dhe jo vetëm, i futën një të përkthyer nga anglishtja lajmit të medias serbe dhe e kryen detyrën e tyre si media dhe si opozitë ndaj kanabis-Qeverisë Rama.
Fatkeqësisht për Shqipërinë dhe për mediat pranë opozitës së PD-së, së Lulzimit, situata e kanabisit është shumë më e rëndë se, çfarë raportojnë këto media duke përkthyer shkrime të çala të mediave serbe.

Sasisë prej 36 tonësh kanabis të kapur në bregdetin e Rajonit të Puljes duhet t?i shtohen edhe sasi të tjera kanabisi.Vetëm kanabisi i kapur duke hyrë në Itali nëpërmjet Portit të Ankonës shkon rreth 12 ton, ku në shkurt 2017 në një kamion u kapën me një dorë 8 ton kanabis.

Në zonën e Lido Adrianos (afër Ravenas) dhe në prapatokën e Ravenës janë kapur nja 4 ton të tjerë kanabisi. Këtyre sasive u duhet shtuar edhe kanabisi shqiptar i kapur në Sicili apo rrugës nga Pulja për në Sicili, në sasi jo më pak se 3 ton.

Sasia e kanabisit të kapur në Itali për vitin 2017 rritet, kur llogarisim edhe kanabisin shqiptar (jo atë maroken, apo të kultivuar në tokën italiane) të kapur në thellësi të territorit italian. Sasitë e kapura në dhjetra raste variojnë nga 20 Kg. në 10-12 kuintalë.
Pas të tillave hesape mund të informojmë publikun se sasia e kanabisit ?Made in Albania? të kapur në Itali gjatë vitit 2017 i afrohet më shumë shifrës 70 ton, sesa 36 tonëve të reklamuara nga mediat shqiptare bazuar në lajmin e medias serbe B52.

Fatkeqësisht edhe disa media kosovare, tetovare, të diasporës shqiptare etj. kanë botuar të njejtin lajm të medias serbe, por tashmë të kopjuar nga mediat opozitare shqiptare.
Mjerimi i dokumentuar në këtë rast i mediave afër opozitës zyrtare (PD-ja e Lulzimit) dhe jo vetëm është thjesht refleks i mjerimit dhe gjendjes së pashpresë dhe dembelizmit fizik e mendor të opozitës së z.Lulzimit me eksperienca holandeze!
Për t?ia bërë më të qartë lexuesit, sesi një lajm i pasaktë dhe i paplotë për Shqipërinë me burim mediat serbe shpërndahet cep më cep në mediat elektronike në gjuhën për lexuesit po ofrojmë linkun e lajmit të medias serbe në anglisht/ GJERGJ THANASI

https://www.b92.net/eng/news/region.php?yyyy=2018&mm=01&dd=02&nav_id=103182.