web counter
LEXO PA REKLAMA!

SHKARKO APP

App Store
Google Play

E fundit!

x

Qytetarët ia “errësojnë” mëngjesin Ramës/ "Ty vetëm Monika kokë-shtanga të sjell në linja"

24 Dhjetor 2017, 09:57, Aktualitet CNA

Kryeministri Edi Rama ka uruar mirëmëngjesin me një shkrim nga ?The Travel Women?, që e ka përzgjedhur Shqipërinë në 18 destinacionet kryesore për vitin 2018.

?Mirëmëngjes?, dhe me këto 11 arsye për të vizituar Shqipërinë nga ?The Travel Women?, që e ka përzgjedhur vendin tonë në 18 destinacionet kryesore për vitin 2018, ju uroj një të dielë të qetë?, ka shkruar Rama në rrjetet sociale.

Por qytetarët të irrituar me heshjen e tij dhe të shtetit shqiptarë, ndaj rastit tragjik të Florenc Beqirajt, e kanë ?masakruar?, Kryeministrin, duke I thënë se nuk e duan mëngjesin e tij indifferent, derisa Shqipëria është kthyer si Bangladeshi, ku më shumë numërohen arsye për të mos e vizituar Shqipërisë, se për të kundërtën.

?O Zoti kryeministër: qenke tamam fansi i serialit ?House of Cards?, kur nuk e kontrollon dot kaosin, atëherë krijon kaos më të madh. E paske bërë Shqipërinë më të mire se Dubai, ia paske marrë në kthesë. Ty vetëm Monika kokë shtanga të sjell në linja?, është shprehur një qytetarë.

?Ku e ke Shqipërinë tënde të bukur z. Kryeministër? Ti këtë mëngjes je zgjuar i qetë me shërbetoren që të sjell kafe me fëmnijët që ti këtë mëngjesa u cove dhe i përshëndete, ndërrsa nënane  Florencit është duke u përpëlitur, se ajo s?do ta shohë më të birin me sy?, shkruan një tjetër qytetare.

?Dhe 11 arsye për të mos ardhur. Korrupsioni, infrastruktura si në Bangladesh, indiferentizmi për emigrantet kriza e thellë ekonomike, një parlament fasadë, mos heqja e imunitetit, politika anti shqiptare me votën kundër SH.B.A, mos mbajtja e premtimeve. Një diktaturë demokratike,  çfarë mund të shkruajmë edhe më shumë. Jeni fatkeqësia e një populli, i cili e meritoj nga blerja e votës për nje thes miell. Do mbeteni ti dhe të gjithë ju politikanet një hije e zezë e atij kombi. Më mire të heshtet se dhe heshtja tregon edukatë dhe të punoni një gjë që nuk e besoj?, i është kundërpërgjigjur një qytetarë.

Postimi  i plotë i Kryeministrit:

MIRËMËNGJES

dhe me këto 11 arsye për të vizituar Shqipërinë nga ?The Travel Ëomen?, që e ka përzgjedhur vendin tonë në 18 destinacionet kryesore për vitin 2018, ju uroj një të dielë të qetë ?

* * *Ajo ka plazhe mahnitëse të stilit grek, kështjella historike që ngjasojnë me Uellsin dhe shëtitore të gjëra ku kafet janë të rreshtuara njëra pas tjetrës si në Barcelonë.

E gjithë kjo është e vendosur në një vend të bukur, të përballueshëm dhe totalisht të paeksploruar për të cilin ndoshta ju nuk keni dëgjuar ende asgjë deri më tani.

Shqipëria është përzgjedhur madje në 18 vendet kryesore që ne rekomandojmë në 2018!

Më poshtë janë 11 arsye pse ju duhet të vizitonë këtë perlë të fshehur të Evropës (para çdokujt tjetër):

6 Vakte nga ferma në tavolinë: Nëse nuk është e sezonit, ju nuk do ta gjeni në menu në Shqipëri. Unë me të vërtetë mund ta shijoj freskinë dhe cilësinë e çdo produkti në pjatën time çdo ditë. Shqipëria është mbretëresha e kuzhinës nga ferma në tavolinë, sepse njerëzit i kultivojnë vetë ushqimet e tyre. Ju mund të hani rrush, mish nga ferma dhe çdo gjë tjetër të bërë me dorë, kudo që shkoni. Madje edhe verën! Një herë hëngra peshk dhe pastaj më treguan edhe varkën me të cilin e kishin kapur. Ndihesha sikur haja në Blue Hill, te Stone Barns. Dhe çdo gjë është e freskët dhe pa konservantë apo kimikate, ndërkohë që pas një jave kisha humbur nja dy kilogramë në peshë.

7 Histori e pabesueshme: Vendosa të shkoj në Shqipëri kur mësova vendin e saj në hartë. Ajo është pjesë e Ballkanit, që kufizohet nga Greqia dhe Maqedonia, ndërkohë që Italia ndodhet përtej Jonit dhe Adriatikut. Ajo ka histori të pasur si edhe fqinjët e saj. Ju do të shikoni rrënoja 5 000-vjeçare, arkitekturë otomane, rrugë të përshkuara nga Aleksandri i Madh, kështjella antike dhe fshatra majë malesh. Shqipëria i ka të gjitha. Por, ndryshe nga fqinjët e saj, ajo është e paprekur dhe e paeksploruar.

8 Njerëz të dashur: Shqiptarët e vlerësojnë praninë tuaj atje. Gjatë udhëtimeve të mia nëpër botë kam përjetuar momente kur banorët lokalë nuk janë të kënaqur me faktin që fshatrat dhe qytetet e tyre janë të mbipopulluar me turistë. Ndonjëherë jam ndjerë edhe e jomirëseardhur. Por ky nuk mund të jetë kurrë rasti i Shqipërisë. Kur banorët lokalë këtu kuptojnë që ju keni zgjedhur vendin e tyre ata janë të mbushur me krenari dhe bëjnë gjithçka që ju të ndiheni shkëlqyeshëm në udhëtimin tuaj. Ky nuk është vend i rrezikshëm, njerëzit janë të këndshëm dhe ju presin krahëhapur.

9 Qytete të trashëgimisë botërore të UNESCO-s: Qyteti i Beratit dhe Gjirokastrës janë pjesë e trashëgimisë botërore të UNESCO-s që ju nuk i keni dëgjuar kurrë, por që do t?ju mahnisin. Janë pak orë larg njëri-tjetrit.

10 Nuk ka nevojë të kërkosh udhëtim të planifikuar: Përpara shumë udhëtimeve të mia, unë çmeritem duke kërkuar hotele, restorante, vende për t?u parë, bare dhe dyqane. Ndonjëherë edhe lodhem nga i gjithë ky planifikim. Kështu që nuk më ngelet gjë tjetër veç të marr një hartë dhe të shoh nga do të shkoj. Kjo nuk ndodh në Shqipëri! Falë Limitless Albania, unë lashë dikë tjetër ta bënte këtë punë. Ky vend është kaq i paeksploruar, sa kisha nevojë për një ekspert lokal për ndihmë. Ia besova këtë gjë Fatmirit, që nga e ngrëna deri te e fjetura dhe them se nuk kam patur kurrë pushime kaq pa stres.

11 Do të surprizoheni: Kur ka qenë hera e fundit që ju keni shkuar diku pa e ditur se çfarë ju priste? Ndoshta nuk keni qenë kurrë në Liguria, por ju keni parë çdo centimetër të saj në Instagram. Të përjetosh një vend për qejfin tënd është natyrisht diçka ndryshe, megjithatë ju e dini se çfarë do të ndodhë, madje edhe ku do të shkoni për të ngrënë. Në Shqipëri çdo ditë do të jetë një aventurë. Ju nuk i keni parë këto pamje në foto, të hedhura diku apo të tag-uara gjeografikisht. Ju nuk keni dëgjuar për këto restorante apo hotele (dhe me shpresë jo edhe për një kohë të gjatë).

Kështu pra, shkoni dhe zbuloni një territor të paeksploruar ndërkohë që keni ende mundësi!/Citynews

 

 





Lajmet e fundit nga