E fundit!

19:25 Kronika

Aksident i rëndë në aksin Cërrik-Mollas/ Raportohet për dy viktima

Një aksident i rëndë raportohet se ka ndodhur në aksin Cër...

Ligji i luftës Shqipëri-Greqi/ Kotzias tregon dy alternativat që zgjidhin mosmarrëveshjet

20 Dhjetor 2017, 16:08, Aktualitet CNA

Në një dalje për mediat greke, ministri i Jashtëm i Greqisë, Nikos Kotzias, ka theksuar se problem kryesor që duhet të zgjidhet më Shqipërinë është ligji i gjendjes së luftës midis dy vendeve.

Sipas Kotzias, ekzistojnë dy alternativa ligjore, me të cilat mund të procedohet: ose me një dekret nga ana e presidentit, ose me një dekret të miratuar nga Parlamenti grek.

?Problemi kryesor që duhet të zgjidhet pozitivisht është Ligji i Luftës. Pasojat ligjore do të rregullohen me një procedurë të veçantë. Sipas qasjes sime të parë, dekreti ? sipas të cilit Greqia i shpalli luftë shqiptarëve, ? ishte dekret mbretëror. Ekzistojnë dy interpretime ligjore. I pari, me të cilin jam pranë edhe unë sipas një këndvështrimi ligjor (që të hiqet ligji i luftës), dekreti mbretëror është i barazvlefshëm me një dekret presidencial. Por ka edhe një interpretim të dytë, që sipas meje nuk është edhe kaq rigoroz. Por kërkon debat kur të vije koha e tij. Ky interpretim thotë se, dekreti mbretëror ishte në një kohë kur nuk ekzistonte Parlamenti, e për këtë arsye nuk mund të kishte një dekret parlamentar, kështu që tani që ka një Parlament le ta formulojë atë. Por nuk korrespondon Parlamenti me dekretin mbretëror, korrespondon me dekretin presidencial?, ka deklaruar Nikos Kotzias.

I gjebnur përballë pyetjes së gazetarëve, nëse në negociatat me homologun e tij Bushati është diskutuar dhënia e dëmshpërblimeve për pasuritë e shtetasve shqiptarë të vënë në sekuestro konservative si pasojë e gjendjes së luftës, Kotzias ka refuzuar të përgjigjet.

Kotzias ka deklaruar gjithashtu se, Athina mund të fillojë procesin e zgjerimit të territorit ujor të Greqisë, nga 6 deri në 12 milje detare, fillimisht nga deti Jon, duke përdorur kështu për herë të parë legjislacionin që rrjedh nga Konventa për të Drejtën e Detit.

?Kam thënë se për kufirin detar, ne do të procedojmë në përcaktimin pjesë-pjesë të zonës detare greke. Duhet të dini se, sipas së Drejtës Ndërkombëtare, çdo zgjerim i zonës detare kombëtare, për shembull nga 6 në 12 milje, do të thotë edhe zgjerimi i territorit sovran të Greqisë. Sepse dallimi midis Zonës Ekonomike Ekskluzive dhe kufirit detar është se, Zona Ekonomike Ekskluzive ka të bëjë me të drejtën e shfrytëzimit, por jo me sovranitetin. Dhe duhet ta dini se, zona detare kombëtare ka një rëndësi të madhe për përcaktimin e ZEE-ve me të gjitha vendet. Veçanërisht me Shqipërinë. Është e rëndësishme nëse fillon të përcaktosh ZEE-të nga 6, ose nga 12 kilometra?, shpjegoi më tej Nikos Kotzias.

Kotzias n jë rëndësi të veçantë i ka dhënë dhe marrëdhënies midis dy vendeve, marrëdhënie që sipas tij duhet të ndryshojë pozitivisht, ndaj dhe e ka quajtur një hap pozitiv nënshkrimin e marrëveshjes për varrezat e ushtarëve grekë në luftën me Italinë, si dhe rindërtimin e Kishës së Shën Athanasit në Himarë. /CityNews