web counter
LEXO PA REKLAMA!

SHKARKO APP

App Store
Google Play

E fundit!

x

Flet historiani/ Pse dhe si humbi dokumenti i pavarësisë

28 Nëntor 2017, 18:23, Aktualitet CNA

Në 105 vjetorin e pavarësisë së Shqipërisë, historiani Kastriot Dervishi, ka regaur në lidhje me dokumentin e kësaj date të shënuar, dhe ka publikuar detaje të tjera sesi dhe pse ka humbur ky dokument.

Me anë të një postimi në rrjetet sociale Dervishi shprehet se dokumenti i pavarësisë ruhej gjatë luftës nga Lef Nosi në kasafortën e Bankës së Shqipërisë, por ky dokument me shumë të tjerë u zhduk kur pushtetin e morën komunistët.

“Gjatë kohës së luftës, mendjendrituri Lef Nosi dy arka me dokumente të çmuara të historisë së Shqipërisë, përfshi edhe dokumentin e pavarësisë i vendosi në kasafortën e Bankës së Shqipërisë. Lefi i frikësoj dëmtimeve të mundshme që mund të sillte koha që po vinte. Megjithatë, për të zezën e Shqipërisë, komunistët erdhën në pushtet. Krejt pa përvojë në punët e shtetit, amatorë të rrezikshëm, shkatërruan një pjesë të madhe të arkivave, duke shkaktuar ndër të tjera edhe një katastrofë e një dëm të pariparueshëm në trashëgiminë historinë të vendit. Dy arkat e rëndësishme të Lefit, deri në vitin 1948 qëndruan në Bankë.”

Më tej ai thotë se komunistët morën dy kutitë me dokumentet të rëndësishme njërën prej të cilave a kanë thyer.

“Më pas u morën dhe u kontrolluan nga njerëzit më të papërshtatshëm për dokumente, oficerët e Drejtorisë së Sigurimit të Shtetit, të cilët mendjen e kishin te ?koha e gjermanit?, se Shqipëria tjetër as që ekzistonte për ta. Njëra nga arkat është gjetur e thyer sepse ishte kontrolluar për koleksione pullash.”, – shkruan Dervishi.

Në vijim ai publikon raportin mbi këtë rast.

Në raportin përkatës, ndër të tjera thuhej:
?Mbasi u sollën në Drejtori, u fillua nga kontrolli i imët për të mundur gjetjen e dokumenteve të ndryshme si korrespondenca të regjencës me okupatorin nazist dhe organizatat antipopullore Balli e Legaliteti, të regjimeve fashiste, që të faktonim qëndrimin dhe punën e aparateve kuislinge, organizatave antipopullore e okupatorëve të ndryshëm kundër interesave të vendit e popullit tonë. Të tilla dokumente gjatë kontrollit nuk u gjetën?.

Sipas Dervishit, dokumentet më të rëndësishme kishin të bënin me studimet që Lef Nosi kishte bërë për kufinjtë e Shqipërisë.

“Dokumentet më të rëndësishme kishin të bënin me studimet e Lef Nosit, çështjen e kufijve të Shqipërisë, konferencën e ambasadorëve, Luftën e Parë Botërore, harta topografike të Shqipërisë, etj, etj. Po ashtu, sipas procesverbalit, në arkat gjendeshin edhe ?dokumente mbi shpalljen e independencës dhe zgjedhjen e qeverisë së përkohshme më 1912?”, – shkruan historiani.

Më tej ai shprehet se dokumentet kanë qenë deri në vitin e festimeve të 50-vjetorit të pavarësisë, por më pas kalojnë në një procedurë dhurimi, që sipas Kastriot Dervishit është aspak normale.

“Është provuar ekzistenca e dokumentit brenda institucioneve shtetërore në vitin e festimeve të 50-vjetorit të pavarësisë. Më pas, kalon në një procedurë ?dhurimi? aspak normale, por gjithsesi brenda Shqipërisë (rezervohem momentalisht për më shumë se kaq). Shtetit shqiptar si pasojë e mosvlerësimit fare të arkivave, i kanë humbur dokumente shumë të rëndësishme të jetës së tij.”, – shprehet ai.

Në përmbyllje të shkrimit të tij, ai shprehet se “Sjellja e shtetit komunist ndaj Lef Nosit, dokumenteve dhe arkivistëve, nuk ndryshon fare edhe në ditët tona. Shteti jonë i propagandës i përngjan një altoparlanti të ndryshkur brenda, por të lyer me bojë të kuqe përsipër, i cili as që do ta njohë e ta shohë në çfarë katastrofe ndodhet rrjeti arkivor i vendit. Mjafton që të ngrejë komitete e autoritete kot më kot, por kurrë arkivat që i duhen një shteti. Mosadministrimi i dokumentit të pavarësisë është simbolika më e hidhur e gjendjes administrativo-arkivore të shtetit shqiptar. Sigurisht tashmë nuk çuditem fare, sepse kur marr vesh sesi humbin dokumente sot nga injoranca e mendjemadhësia, çfarë të them për atë kohë. Defektet vazhdojnë.” /CityNews





Lajmet e fundit nga