Festat e nëntorit sjellin panairin mbarëkombëtar bujqësor “Shqipëria punon tokën”

28 Nëntor 2017, 19:11, Aktualitet CNA

Kryeqyteti shqiptar, ka veshur petkun e ngjyrave të flamurit kuq e zi me rastin e festave të 28-29 Nëntorit.

Afmosferës së festave në Tiranë i bashkohen edhe përgatitjet e fundit për panairin mbarëshqiptar më të madh bujqësor, blegtoral, që nis nga sheshi ?Nënë Tereza? përgjatë trotuarit të bulevardit ?Dëshmorët e Kombit?.

Me iniciativën e Kryeministrit Edi Rama, Ministria e Bujqësisë dhe Zhvillimit Rural dhe Dhoma e Tregtisë dhe Industrisë, me mbështetjen e Bashkisë së Tiranës Panairi ?Shqipëria punon tokën?, çel siparin më 29 Nëntor dhe vjen për herë të parë në një hapësirë të përbashkët në zemër të Tiranës, deri më 30 Nëntor.

Ky është panairi më i madh bujqësor, blegtoral, që hapë dyert për fermerë, blegtorë dhe sipërmarrës shqiptarë dhe atyre të trojeve shqiptare jashtë kufirit, si Kosova dhe Maqedonia.

Tirana përgjatë këtyre dy ditëve do të kthehet në një vend takim të rëndësishëm të produkteve shqiptare, që ekspozohen duke përcjellë tek njerëzit, edhe skenografinë e vendit ku prodhohen. Gjithashtu pranë ketij panairi, një arenë e manifestimit te kulinarisë shqiptare bashkon mjeshtrat e kuzhinës dhe restoranteve, të cilët ofrojnë mundësinë e degustimit të recetave më të spikatura, me shije tipike shqiptare.

Eventi mbarëshqiptar mbledh si asnjëherë më parë rreth 500 ekspozitorë të ndarë në kategori kryesore: të rinj sipërmarrës në bujqësi, agroindustri, verëra, alkool, agroturizëm, fruta-perime, blegtori, produkte shtëpie ?tradicionale, banka, fonde garancie në bujqësi e tjerë.

Risia e këtij panairi është krijimi hapësirave dedikuar të rinjve dhe sipërmarrësve të rinj, në sektorin bujqësor dhe blegtoral. Një vend të rëndësishëm në këtë panair zë informacioni i detajuar për skemat mbështetëse dhe të gjithë instrumentat e financimit, asistencës në hartimin e planeve të biznesit, këndin e mjeteve bujqësore, këndin e të rinjve si dhe këndin e gatimit ku prezantohen gatimet tona tradicionale. /ATSH