web counter
LEXO PA REKLAMA!

SHKARKO APP

App Store
Google Play

Zbulohet plani i socialistëve për të paralizuar ambicien e kryeprokurorit Llalla

5 Nëntor 2017, 18:30, Aktualitet CNA

Socialistët nuk kanë ndërmend ta lejojnë kryeprokurorin Adriatin Llalla të shkelë afatin ligjor të përfundimit të mandatit, duke përdorur kartën e ndryshimeve ligjore.

Për tja arritur qëllimit ata kanë planifikuar që në datën 03 dhjetor 2017, pikërisht kur është edhe data kufi e përfundimit të mandatit të Kryeprokurorit , të zgjedhin në vend të tij një kryeprokuror me mandat të përkohshëm, sikurse e përcakton ligji i ri.

Ende nuk bëhen të ditur emrat e personave që do të propozohen për të qenë në këtë postë, por burimet nga selia e socialistëve i thanë CityNeës,se  data 03 dhjetori është dita kur Adriatik Llalla nuk do të jetë më në krye të institucionit të akuzës të cilin e drejtoi për pesë vite.

?Me hyrjen në fuqi të ligjit të ri përcaktohet se deri në përzgjedhjen e një Kryeprokurori tjetër, funksionet e Prokurorit të Përgjithshëm , me vendim të Kuvendit, caktohet ti kryejë përkohësisht një nga prokurorët me më shumë eksperiencë  nga rradhët e prokurorëve dhe që përmbush kushtetet, kriteret e përcaktuara në ligjin e ri për Prokurorinë.  Ky është përcaktimi që bën ligji dhe ne këtë do të aplikojmë?, janë shprehur burime nga selia e PS-së për CityNeës. Është një plan i realizueshëm, zbatimin e të cilit nuk e rrezikon asgjë po të kohet parasysh se socialistët kanë shumicën e duhur të votave në Parlament për ta realizuar çmontimin e Adriatik Llallës nga posti i kryeprokurorit. /CityNews.





Lajmet e fundit nga