Studentët denoncojnë “Vajza dhe djem, 4 vjet që nuk vijnë, marrin nota 10 dhe diplomohen”, Dekanët dhe shefat e departamenteve pjesë e skandaleve

26 Shtator 2017, 13:19, Aktualitet CNA

Nga ROBERT RRASA

Disa studentë të Universitetit të Elbasan nga fakultete te ndryshme të tij, si nga Shkencat Humane, Cikli Ulët, et, kanë denoncuar tek ?City News? raste skandaloze që lidhen me korrupsionin që ka vite që ka mbuluar këtë institucion të arsimit të lartë. Pjesë e skandaleve të tilla korruptive, janë bërë edhe dekanët e këtij universiteti. Fjala është për persona që kanë vite që jetojnë në emigracion, dhe që figurojnë në regjistrat e këtij fakulteti sikur të ishin studentë aktivë, por në fakt ata janë fiktive, dhe të vlerësuar. Por pjesë e skandaleve janë edhe sezonet e vjedhtës, kur studentët japin provimet e prapambetura. Sipas një studenteje nga ky fakultet mësohet se ?ka 4 vjet që afro 13 vajza dhe djem kanë emrin në regjistrin tonë, por ne nuk i kemi parë dhe takuar asnjëherë në klasa, në leksione, dhe që në çdp provim marrin nota 9 ose 10, kemi pyetur edhe pedagogët tanë dhe përgjigja ka qenë ?mos u merrni me gjëra që nuk ju takojnë, shikoni të merrni 5 tuaj?. Raste të tilla ka vite që denoncohen edhe në portalet e ndryshe, madje edhe në Rektoratin e Universitetit të Elbasanit, dhjetra raste ka pothuajse në çdo fakultet të këtij institucioni, por studentët tashmë nuk kanë frikë të flasin. Flagrante kanë qenë rastet edhe në degët part-time , ku kishte studentë që nuk shkonin një orë të vetme në leksione dhe që në fund të 4 viteve, ata marrin listën me nota shkëlqyeshëm, dhe diplomën me goxha ceremoni. Por ajo që ka vite që ndodh edhe me studentët e fakulteteve me full-time, mbetet një skandal. Studentët që denoncuan deklaruan se ?sa herë vijnë sezonet e provimeve, ne konstatojmë se ata persona edhe pse nuk kanë qenë prezentë gjatë leksioneve, janë të pranishëm ditën e provimeve nga persona të tjerë të jashtëm, dhe vlerësohen me nota të shkëlqyera, dhe pavarsisht kësaj asnjë nga ne nuk flet, sepse e pëson duke marrë notë negative, dhe nuk e merr për 5 vjet provimin, edhe me para?. Bataku në të cilin janë zhytur prej vitesh fakultetet e Universitetit të Elbasanit, mbetet baltosja më e madhe në të cilët janë përzierë keq edhe mjaft pedagogë, seksetare të fakuleteve, dhe sekserët e tyre. Mungesa fizike e studentëve, mbetet pazari më i turpshëm që është bërë prej vitesh në fakultetet e këtij universiteti, por më e turpshme mbetet forma dhe mënyra e vlerësimit të tyre. Sipas studentes mësohet se ?ata që përgjatë gjithë vitit ose për 4 vjet nuk janë në klasa dhe leksione por janë në emigracion, sa herë ka privime do ti shikosh që janë vlerësuar me 8, 9 ose edhe me 10, dhe kjo mbetet ofenduese për ne, që pavarsisht se mësojmë dhe mbushim edhe faqet e fletoreve në provime, shpesh marrim 5 ose edhe nota negative, dhe askush nuk flet sepse ka frikë, edhe denoncimet tona në vite tek portali Rektoratit, duket se nuk kanë bërë efekt, sepse gjithçka ka qenë në një lidhje zinxhir të këtyre shkeljeve sa ligjore dhe korruptive?. Studentët i bëjnë thirrje organeve kompetente ?të hetojnë këto skandale dhe shkelje ligjore të bëra në vite, dhe të nxjerrin para ligjit cilindo që ka tentuar dhe guxuar të veprojë sikur ta kishte fakultetin pronë e çiflik?. Ata shprehen se ?nuk jemi ndjerë të vlerësuar asnjëherë nga disa pedagogë, ndërkohë që vlerësohen me nota të larta studentë fiktivë, që ditën e provimeve dublohen nga persona dhe fytyra të panjohura nga ne, kjo histori duhet të marrë fund, sepse po fundoset në moçal arsimi lartë, po diskreditohet dhe turpërohet?. Raste të tilla abuzimi me detyrën dhe fiktivitetin e vlerësimit dhe diplomimit të ?studentëve? janë denoncuar prej vitesh edhe në organet e drejtësisë në Elbasan, por ndoshta molepsja ka prekur edhe segmente të caktuara të atyre institucioneve, e cila zë fill nga fakultetet dhe dekanët e UE. / CityNews