Besnik Mustafaj zbulon pazarin e Lulzim Bashës me Erion Veliajn

26 Shtator 2017, 10:54, Aktualitet CNA

Nëpërmjet një historie të sjellë sot në një shkrim-opinion të publikuar në të përditshem ?Panorama?, Besnik Mustafai, ish ministër i Jashtëm në qeverinë Berisha, ka zbuluar pazaret e fshehta të kryetarit të PD-së, Lulzim Basha me kryebashkiakun socialist Erion Veliaj. Pazare për të cilat CityNews ka folur në një seri shkrimesh të publikuara më parë.

Protagonist i historisë së Mustafajt është Fabian Topollaj, këshilltar i PD-së në Këshillin bashkiak të kryeqytetit dhe mbledhja e këtij Këshilli e dt. 26 korrik ku, përveç ndërprerjes së mandatit të 7 këshilltarëve të zgjedhur deputet, u morr edhe vendimi për ritjen e çmimit të ujit të pijshëm.

Vendimet e kësaj mbledhjeje u kundërshtuan ashpër nga grupi i këshilltarëve demokratë, mirëpo gjithçka mbeti deri këtu, pasi Lulzim Basha nuk e mbështeti aksionizimin e mëtejshëm të këtij rasti.

Mustafaj tregon se për ta prishur heshtjen e Bashës këshilltari Topollaj ngriti një padi civile lidhur me vendimin e jashtëligjshëm të përfundimit të mandatit të këshilltarëve të zgjedhur deputet, me arsyetimin e drejtë se hedhja poshtë e tij do të shfuqizonte edhe të tjerët e marrë në atë mbledhje, duke përfshirë edhe vendimin e rritjes së çmimit të ujit.

?Janë hapa prej njeriu politik, me shqisën e opozitari të zhvilluar, i cili e di mirë vendin e vet në ekip dhe zbaton me seriozitet disiplinën e ekipit?, vlerëson Mustafaj në opinionin e tij, pasi konstaton me dhimbje se megjithse pjesë e një grupimi politik Topollaj e ndërmorri i vetëm iniciativën e denoncimit të Gjykatë, pikërisht pasi lidershipi drejtues i PD-së, Lulzim Basha, edhe pse po skadonte afati, nuk lëvizi fare nga vendi për ta përkrahur denoncimin.

Basha nuk lëvizi edhe pasi këshilltari Topollaj i sugjeroi që padinë ta paraqiste kryetari i grupit të këshilltarëve demokrat dhe çështja të kthehej në një kauz e PD-së që do ti shërbente mijëra qytetarëve të Tiranës.

?Kur afati ligjor po përfundonte ky këshilltar i sinqertë demokrat i shqetësuar u paraqit vetë në Gjykatë me padinë?, përfundon Mustafaj tregimin që zbulon qartë faktin se janë interesat e ngushta përfituese dhe pazaret e Lulzim Bashës, që nuk e lejojnë atë ti kundërvihet kryebashkiakut të Erion Veliajt.

Me faktin e publikuar Besnik Mustafaj konfirmon denoncimet e bëra nga CityNews për marrëdhëniet e fshehta klienteliste të Lulzim Bashës me Erion Veliajn. /CityNews