web counter
LEXO PA REKLAMA!

SHKARKO APP

E fundit!

x

Zgjedhjet vendore në Kosovë/ PDK-LDK pakt të fshehtë kundër VetëVendosjes

23 Shtator 2017, 19:25, Aktualitet CNA

Dy partitë shemra në zgjedhjet e Përgjithëshme parlamentare të 11 qershorit, Partia Demokratike e Kosovës(PDK) dhe Lidhja Demokratike e Kosovës (LDK), kanë arritur marrëveshje koalicioni për ta përkrahur njëra-tjetrën në zgjedhjet vendore të 22 tetorit.

Sikurse ka raportuar ?Bota Sot?, këto dy parti politike janë dakorduar që ta përkrahin njëra-tjetërën në këto zgjedhje për të fituar kreun e Komunës së  Prishtinës, post që aktualisht mbahet nga Shpend Ahmeti.

Marrëveshja e arritur thotë se PDK do ta përkrah LDK-në në Prishtinë nëse kjo e fundit shkon në balotazh me Lëvizjen Vetëvendosje dhe Shpend Ahmetin.

Duke ju referuar burimeve të sigurta, që nuk pranojnë të identifikohen, gazeta ?NewBorn? raporton se qëllimi i marrëveshjes është rrëzimi i Shpend Ahmetit nga pushteti dhe ardhja e Arban Abrashit ose Lirak Çelajt në vend të tij.

Ndërkohë që palët e kanë firmosur tashmë marrëveshjen për shkak të ndjeshmerisë dhe frikës të humbjes së votave ajo do të bëhet publike pas 22 tetorit, citon ?NewBorn?.





Lajmet e fundit nga