E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Ekskluzive/ Basha tentoi të mbyllë skandalin e shitjes së votave nga grupi i PD-së

10 Shtator 2017, 18:46, Aktualitet CNA

Në Partinë Demokratike u mbajt një mbledhje e kryesisë të grupit parlamentar PD-së përpara mbledhjes së grupit parlamentar të kësaj force politike.

Në mbledhjen e kryesisë të grupit merrte pjesë kreu demokrat Basha, sekretarët dhe drejtuesit e komisioneve parlamentare përfaqësua të PD. Burime nga mbledhja i thanë Citynews se Lulzim Basha që në fillim shmangu çdo reagim apo diskutim në lidhje me skandalin e djeshëm politik ku rreth 5 deputetë të PD votuan për zgjedhjen e Gramoz Ruçit si kryetar kuvendi.

Basha ka thënë se do të flitej vetëm për rendin e ditës në Parlament ditën e nesërme ku pritet votimi i qeverisë së re dhe paraqitja e programit nga kryeministri Edi Rama.

Basha ka dashur ta mbyllë skandalin e ndodhur dje me çështjen e votimit të Ruçit në Parlament dhe ka nisur menjëherë me rendin e ditës për axhendën parlamentare të së nesërmes dhe personat që do flisnin.

Jo gjithçka ka shkuar ashtu siç pretendonte dhe kishte organizuar Basha. Pas skandalit të djeshëm ai porositi deputetët që të dilnin me qëndrimin se socialistët manipuluan votat.

Në mbledhjen e grupit Parlamentar, Basha ka paraqitur si si rend dite që të diskutohej për seancën plenare të së nesërmes ku do të votohej qeveria dhe jo për skandalin e rëndë të votave që u shitën për Ruçin nga brenda PD-së.

Ka qenë reagimi i liderit historik Berisha, i cili me një qëndrim të qartë dhe të fortë ka theksuar se deputetët e PD u shitën, dhe Salianji e Grida Duma nuk mund të flisnin më në emër të grupit pa u zhvilluar mbledhja dhe pa u marrë më parë një vendim. Sali Berisha ka replikuar dhe ka akuzuar deputetët e listës së Bashës së po mashtronin mbështetësit. Lideri historik i demokratëve ka ndërhyrë fort dhe më pas Lulzim Basha urdhëroi edhe një deklaratë për mediat ku pranonte turpësisht shitjen e deputetëve..

Basha kërkoi që skandalin ta kalonte me heshtje ose të vazhdonte skanari i tij me lojra mediatike dhe akuza për manipulim nga socialistët. Por ndërhyrja e ashpër e BErishës bëri të hidhej në erë gjithë plani për ta kaluar pa debat brenda grupit, për më tepër u dha edhe një njoftim për mediat.

/Citynews