web counter
LEXO PA REKLAMA!

SHKARKO APP

App Store
Google Play

E fundit!

x

“Shpërthen” ish-deputeti i PS/Çfarë panë shqiptarët nga farsa e zgjedhjeve në PD

25 Korrik 2017, 14:15, Aktualitet CNA

Kreu i partisë ?Zgjidhja?, Koço Kokëdhima, ka ironizuar procesin zgjedhor të 22 korrikut në Partinë Demokratike, ku demokratët rikonfirmuan në krye të partisë Lulzim Bashën.

Përmes një reagimi të partisë ?Zgjidhja? në rrjetet sociale, Kokëdhima shkruan se nuk pati asnjë surprizë nga farsa e këtyre zgjedhjeve dhe se shqiptarët panë sërish komedinë e radhës së partive të vjetra.

Në lidhje me këtë situatë, ?Zgjidhja? njofton se ka ndërmarrë nismën ligjore “Unë zgjedh deputetin që dua” për të demokratizuar partitë nëpërmjet një ligji posaçërisht për këtë qëllim.

Ja njoftimi i plotë:

Komedia e zgjedhjeve në PD dhe nisma e “Zgjidhja”-s
Asnjë surprizë nuk pati nga farsa e zgjedhjeve të reja për kryetarin e Partisë Demokratike.
Shqiptarët panë sërish komedinë e radhës së partive të vjetra, që duhet të udhëheqin demokracinë në vend, ndërkohë që brenda shtëpisë së tyre e shkelin atë me të dyja këmbët.
Në PS prej kohësh nuk bëhen fare zgjedhje dhe as forumet, nuk mblidhen më. Partitë më të mëdha shqiptare i zgjedhin udhëheqësit e tyre me mbi 90% të votave njësoj si në Korenë e Veriut.
ZGJIDHJA ka denoncuar dhe provuar se partitë shqiptare janë autokratike, pa standarte, pa institucione, pa demokraci të brendëshme. Ato janë të kapura dhe të kriminalizuara, janë struktura mafioze që u shërbejnë kryetarëve për të kapur shtetin, institucionet kushtetuese, zgjedhjet, parlamentin, qeverinë, drejtësinë, mediat dhe gjithçka tjetër.
Pa demokratizuar partitë, nuk demokratizohet qeverisja e vendit, pa modernizuar e pastruar partitë dhe zgjedhjet, nuk modernizohet dhe nuk pastrohet dot shteti nga krimi, korrupsioni dhe paligjshmëria.
ZGJIDHJA ka ndërmarrë nismën ligjore “Unë zgjedh deputetin që dua” për të demokratizuar partitë nëpërmjet një ligji posaçërisht për këtë qëllim. Kjo është emergjencë kombëtare. Me ZGJIDHJEN do ju a marrim partitë kryetarëve dhe do ju a kthejmë qytetarëve!/CityNews





Lajmet e fundit nga