E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Vdiq gjatë operacionit/ Shokojnë familjarët: Çfarë na tha mjeku roje

14 Korrik 2017, 14:28, Aktualitet CNA

Historia e vajzës 18 vjeçare e cila para pak kohësh vdiq në spitalin e Elbasanit vazhdon akoma.Familjarët e saj kanë folur në një intervistë për News24 nga ku kanë dhënë edhe disa fakte tronditëse në lidhje me shërbimin mjekësor që iu bë Ketjona Ibrahimit, e cila mendohet se humbi jetën për shkak të gabimit të mjekes së spitalit.

Motrat e Ketjonës kanë treguar me detaje se çfarë ndodhi atë natë dhe si u pritën nga personeli i spitalit.

?Ketjona u ndje keq me dhimbje barku, dhe të vjella. Më pas e çuan në spitalin e Gramshit. Pasi i vunë serume, dhe ilaçe pa fund, nuk e qetësuan dot. Ajo vetëm bërtiste, kishte dhimbje të forta. Na thanë mjekët që niseni për në Elbasan. Nëna më njoftoi edhe mua dhe e çuam në Elbasan, dhe atje i bënë shumë serume. Dhe nuk kishin ide se çfarë kishte motra. Ajo bëri dy operacione. E hapën në vezore, dhe thanë se nuk kishte gjë. Më pas e bënë operacion nga tëmthi, ia hoqën. Por nuk gjetën gjë?, u shpreh me lot në sy motra e Ketjonës.

Ajo tha gjithashtu se askush nga spitali i Elbasanit nuk i jepnin informacion në lidhje me motrën e tyre, ndërkohë që kërkonin me ngulm mjeken kirurge.

Pas disa sorollatjeve një mjek roje u kishte thënë se doktoresha mund të ishte në gjumë, por që nuk e zgjonin dot.

Pyeta se ku është doktoresha, por më thanë se: ?Nuk mund ta zgjojmë nga gjumi, ajo mund të vij në orën 8-9 apo dhe 10?, tha ajo.

Ketjona Ibrahimi në mesnatën e 7 korrikut ka pasur komplikacione të shëndetit dhe është dërguar me urgjencë në spital. Pas analizave nuk është bërë e mundur që të gjendet shkaku i vërtetë i dhimbjeve dhe ndërkohë i është nënshtruar dy operacioneve kirurgjikale.

Pas operacionit të dytë ajo nuk ka mundur të mbijetojë duke humbur jetën. Pas autopsisë u zbulua që vdekja mund të ketë ardhur si shkak i mpikjes së gjakut në mushkëri. Ndërkohë që familjarët vazhdojnë të akuzojnë personelin dhe mjeken kirurge për pakujdesi gjatë trajtimit mjekësor./CityNews