web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja 7 milionë euro e “CEZ”/ Dëshmitari kyç flet për zhvillimet më të fundit në Çeki  

14 Korrik 2017, 12:50, Aktualitet CNA

 Juristi i OSSH, Romeo Karaj, dëshmitar kyç për aferën me CEZ, në një intervistë të dhenë për ?Pamfleti.com? ka folur për zhvillimet më të fundit lidhur këtë çështje.

?Çekët janë shumë të interesuar për zbardhjen e aferës së CEZ dhe përfshirjen e sekserit të djalit të Berishës në aferat abuzive të kësaj kompanie?, ka thenë Karaj. I cili shpjegon se çështja tashmë është rihapur edhe nga drejtësia çeke e cila po heton lidhur me këtë aferë rreth shtatë milion euroshe.

?Ndryshe nga ne apo sistemi ynë që nuk funksionon dhe mbyll veshët për çdo aferë, në Çeki ndjeshmëria dhe përgjegjshmëria është më e madhe. Mesa di, qeveria çeke po investigon ato fakte qe janë servirur nga media prej meje dhe prej Komisionit parlamentar për investigimin e privatizimit të OSSH-se?, ka informuar Karaj.

Në vijim ai ka vlerësuar se: ?Për palën çeke ky është një problem shumë i madh, pasi janë përmendur drejtues të lartë të koorporatës me te fuqishme në Çeki, me nje xhiro vjetore prej disa miliard euro dhe me një ndikim të padiskutueshëm edhe në jetën politike çeke. Janë dhenë 7 milionë euro tek sekseri Nue Kalaj duke filluar qe nga janari 2008, edhe pse tenderi i këtij privatizimi është startuar në qershor 2008?.

Ndërkohë Karaj ka vijuar të informojë se: asnjë shërbim ligjor i sekserit Nue Kalaj nuk justikon këto transaksione dhe se çekët po tregohen më të zgjuar se ne. Ata po gjurmojne parate…

Mirëpo cila është garancia që edhe kjo çështje të mos përfundojë si shumë të tjera, e mbyllur duke aplikuar turli lloj metodash shqiptare me kalim afatesh, ekspertiza e fakte të manipuluar, etj.

?Mediatizimi i çështjes ishte fitorja më e madhe. Çështja doli nga kulisat e politikës, prokurorisë etj… Deri me tani, askush nuk ia ka dalë që të pengoje këtë proces. Dosja ndodhet sipas premtimit publik që unë kam dhënë në Prokurorinë e Përgjithshme, në ambasadat e vendeve partnere dhe në media. Janë bërë edhe të gjitha deklarimet përkatëse në lidhje me këtë çështje nga ana ime në Prokurorinë e Pergjithshme. Pra, sot them me bindje se çështja është në rrugën e suksesit të plotë?, përgjigjet Karaj. Duke theksuar se:?… Jemi të vonuar në arrestimin e personave përgjegjës si dhe sekuestrimin e pasurive të tyre…?./CityNews





Lajmet e fundit nga